ଓଡ଼ଗାଁ, (ବାଘୁଆବାର୍ତ୍ତା): ଶରଣକୁଳ ଲଡ଼ୁବାବାଙ୍କ ମନ୍ଦିର ପରିସରରେ ଶିବଭଜନ “ଆଜିପରା ଶିବରାତ୍ରୀ”ଲୋକାର୍ପିତ ହୋଇଯାଇଛି । ପ୍ରଭୁ ଲଡ଼ୁବାବାଙ୍କ ଉପରେ ଅଧାରିତ ଏହି ଗୀତଟିର ରଚନା, ସଂଗୀତ ଓ କଣ୍ଠଦାନ ଲୋକପ୍ରିୟ ବେତାର ଓ ଦୂରଦର୍ଶନ କଣ୍ଠଶିଳ୍ପୀ ପ୍ରଶାନ୍ତ କୁମାର ଦାଶ କରିଛନ୍ତି । ସଙ୍ଗୀତ ପରିଚାଳନା କରିଛନ୍ତି ସଂଙ୍ଗୀତ ନିର୍ଦ୍ଦେଶକ ଅଶୋକ ସାହୁ । ଏହି ଲୋକାର୍ପଣ ଉତ୍ସବରେ ବରିଷ୍ଠ ସମାଜସେବୀ ପ୍ରମୋଦ କୁମାର ପଟ୍ଟନାୟକ, ପରମ୍ପରାର ସମ୍ପାଦକ କବି ନିର୍ମଳ ଚନ୍ଦ୍ର ଶୁରଦେଓ, ଗୀତିକାର ଅଶୋକ ମଲ୍ଲ, କଣ୍ଠଶିଳ୍ପୀ ରବିନ୍ଦ୍ର ତ୍ରିପାଠୀ, ସମାଜସେବୀ ଜୟକୃଷ୍ଣ ସାହୁ, ଅତିଥିରୂପେ ଯୋଗଦେଇ ଗୀତଟିକୁ ୟୁଟ୍ୟବ୍ ଚ୍ୟାନେଲରେ ଲୋକାର୍ପିତ କରିଥିଲେ । ଗୀତଟିକୁ ଶୁଣିବା ପରେ ଏହା ଭକ୍ତମାନଙ୍କ ହୃଦୟକୁ ଛୁଇଁବା ସହିତ ଲୋକପ୍ରିୟ ହୋଇପାରିବବୋଲି ଉପସ୍ଥିତ ଅତିଥିମାନେ ମତବ୍ୟକ୍ତ କରିଥିଲେ ।
