ଓଡ଼ଗାଁ,(ବାଘୁଆବାର୍ତ୍ତା): ଓଡ଼ଗାଁ ମଣ୍ଡଳ ଶିକ୍ଷା ଅଧିକାରୀ ଡ଼ଃ ବସନ୍ତ କୁମାର ନାୟକ ପଦୋନ୍ନତି ପାଇ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି । ଆଜି ମଣ୍ଡଳ ଶିକ୍ଷା କାର୍ୟ୍ୟାଳୟ ଓଡଗାଁଠାରେ ଡଃ ନାୟକଙ୍କୁ ମଣ୍ଡଳ ଶିକ୍ଷା କାର୍ୟ୍ୟାଳୟ ଓଡଗାଁର ସମସ୍ତ କର୍ମଚାରୀ ଏବଂ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ମାନଙ୍କ ତରଫରୁ ବିଦାୟ କାଳୀନ ସମ୍ବର୍ଦ୍ଧନା ଦିଆ ଯାଇଛି। ଉକ୍ତ ସଭାରେ ଅତିରିକ୍ତ ମଣ୍ଡଳ ଶିକ୍ଷା ଅଧିକାରୀ ଭାଗ୍ୟଲତା ଦାଶ, ବନବିହାରୀ ପାତ୍ର, ମୁଖ୍ୟ କିରାଣୀ ହାଡୁବନ୍ଧୁ ନାୟକ ଓ ସରକାରୀ ପ୍ରାଥମିକ ବିଦ୍ୟାଳୟ ଓଡଗାଁର ପ୍ରଧାନଶିକ୍ଷୟିତ୍ରୀ ସଂଯୁକ୍ତା ଦେଈ ମଞ୍ଚାସୀନ ଥିଲେ। ବ୍ଳକ ପ୍ରାଥମିକ ଶିକ୍ଷକ ସଂଘର ସଭାପତି ଭକ୍ତରଞ୍ଜନ ମିଶ୍ର, ଏନପିଏସର ସଭାପତି ନରେଶ ପାଣିଗ୍ରାହୀ, ଏକ୍ସ କ୍ୟାଡରର ସଭାପତି ଜୟକୃଷ୍ଣ ପ୍ରଧାନ, ସିଆରସିସି ରବିନ୍ଦ୍ର କୁମାର ଘଡେଇ, ତ୍ରିଲୋଚନ ସାମନ୍ତରାୟ, ଶୁଭେନ୍ଦୁ ଷଡ଼ଙ୍ଗୀ, ଦେବାଶିଷ ଦାଶ, ଚିତ୍ତରଞ୍ଜନ ମିଶ୍ର ଉପସ୍ଥିତ ଥିଲେ ।
