ନୟାଗଡ଼ (ବାଘୁଆବାର୍ତ୍ତା): ଘରେ ଗଛିତ ହୋଇ ରହିଥିଲା ପେଟି ପେଟି ବିଦେଶୀ ମଦ । ଖବର ପାଇ ପୁଲିସ ଚଢ଼ାଉ କରି ଜବତ କରିଛି ବିଦେଶୀ ମଦ । ଘରୁ ୨୭୭ ଲିଟର ବିଦେଶୀ ମଦ ପୋଲିସ ଜବତ କରିଛି । ରାୟଗଡା ଜିଲ୍ଲା ବିଷମକଟକ ପୁଲିସ ଦ୍ୱାରା ଦୁର୍ଗୀ ଗାଁରୁ ଜବତ ହୋଇଛି । ସୂଚନାନୁସାରେ, ଦୁର୍ଗୀ ଗାଁରେ ବିଦେଶୀ ମଦ ଚୋରାରେ ବ୍ୟବସାୟ ହେଉଥିବା ନେଇ ବିଶେଷ ସୁତ୍ରରୁ ପୁଲିସ ଖବର ପାଇ ପୁଲିସ ଚଢ଼ାଉ କରିଥିଲା । ଏହି ଚଢ଼ାଉରେ ଅଭିଯୁକ୍ତଙ୍କ ଘରେ ବେଆଇନ ଭାବେ ରଖାଯାଇଥିବା ବିଦେଶୀ ମଦ ଜବତ ହୋଇଛି । ଏହାସହ ମଦରେ ମିଶାଇବା ପାଇଁ ବ୍ୟବହୃତ ସ୍ପିରିଟ, କିଛି ଖାଲି ବୋତଲ ଓ ନାମିଦାମି କମ୍ପାନୀର ପ୍ରେିଣ୍ଟେଡ କ୍ୟାପ ମଧ୍ୟ ଜବତ କରାଯାଇଛି । ଲୋକଙ୍କୁ ଏହି ସ୍ପିରିଟ ମିଶାଇ ମଦ ବିକ୍ରି କରାଯାଇଥାଆନ୍ତା ବୋଲି ସୂଚନା ରହିଛି । ଜବତ ବିଦେଶୀ ମଦର ମୁଲ୍ୟ ପ୍ରାୟ ୩ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଘଟଣାରେ ପୁଲିସ ତଦନ୍ତ ଜାରି ରଖିଥିବା ବେଳେ ରାୟଗଡ଼ା ଏସପି ପ୍ରେସ ବିବୃତି ମାଧ୍ୟମରେ ଏହି ସୁଚନା ଦେଇଛନ୍ତି ।
