ଯାଜପୁର, (ବାଘୁଆବାର୍ତ୍ତା): ଯାଜପୁର ଜିଲ୍ଲା କୋରାଇ ଥାନା ରଗଡ଼ି ଅଞ୍ଚଳରେ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ୮୦ ଲିଟର ଦେଶୀ ମଦ ଜବତ କରାଯାଇଛି। ଏଥିରେ ସମ୍ପୃକ୍ତ ୨ ଅଭିଯୁକ୍ତଙ୍କୁ ଗିରଫ କରାଯାଇଥିବା ବେଳେ ସେମାନଙ୍କ ନିକଟରୁ ଗୋଟିଏ ବାଇକ୍ ମଧ୍ୟ ଜବତ କରିଛି ଅବକାରୀ ବିଭାଗ। ଗିରଫ ଅଭିଯୁକ୍ତ ମାନେ କେନ୍ଦୁଝର ଜିଲ୍ଲା ବରାଙ୍ଗ ଅଞ୍ଚଳର ଜୁଝର ମାଝୀ ଓ ବାବୁଲି ମାଝୀ ବୋଲି ଜଣାପଡିଛି। ଆଜି ଅପରାହ୍ନରେ ସେମାନଙ୍କୁ କୋର୍ଟ ଚାଲାଣ କରାଯିବ। କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ବରାଙ୍ଗ ଅଞ୍ଚଳରୁ ଆଜି ୨ ଜଣ ବ୍ୟକ୍ତି ଏକ ବାଇକ ଯୋଗେ ଦେଶୀ ମଦ ନେଇ ରଗଡ଼ି ଅଞ୍ଚଳକୁ ଆସୁଥିବା ଅବକାରୀ ବିଭାଗ ବିଶେଷ ସୂତ୍ରରୁ ଖବର ପାଇଥିଲା। ପରେ ଅବକାରୀ ବିଭାଗ କର୍ମଚାରୀ ଯୋଜନା ମୁତାବକ ରଗଡି ଛକରେ ଲୁଚି ରହି ସେମାନଙ୍କୁ କାବୁ କରିଥିଲେ।
