ବ୍ରହ୍ମପୁର, (ବାଘୁଆବାର୍ତ୍ତା): ଅପମିଶ୍ରିତ ମଦ କାରଖାନା ଉପରେ ଗୋଷାଣୀନାଗାଁ ଥାନା ଅବକାରୀ ବିଭାଗ ଓ ପୋଲିସର ଚଢାଉ। ଚଢାଉ ବେଳେ ୪୨୫ ଲିଟର ଅପମିଶ୍ରିତ ମଦ ଜବତ କଲା ପୋଲିସ। ଏହା ସହ ଘଟଣାସ୍ଥଳରୁ ମଦ ପ୍ୟାକିଂ ମେସିନ୍ ସହ ଅନ୍ୟାନ୍ୟ ମଦ ପ୍ରସ୍ତୁତକାରୀ ସାମଗ୍ରୀ ଜବତ ହୋଇଛି। ଲାଞ୍ଜିପଲ୍ଲି ଦୀପ ସାହିରେ ଏକ ଅପମିଶ୍ରିତ ମଦ କାରଖାନା ଉପରେ ଗୋଷାଣୀନାଗାଁ ଥାନା ଅବକାରୀ ବିଭାଗ ଓ ପୋଲିସ ଚଢାଉ କରିଥିଲା। ଏହି ସମୟରେ ୪୨୫ ଲିଟର ଅପମିଶ୍ରିତ ମଦ ଜବତ କରିବା ସହ ମଦ ପ୍ୟାକିଂ ମେସିନ୍ ସହ ଅନ୍ୟାନ୍ୟ ମଦ ପ୍ରସ୍ତୁତକାରୀ ସାମଗ୍ରୀ ଜବତ କରିଛି ପୋଲିସ। ଏହି ଘଟଣାରେ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ହୋଇଥିବା ଅଭିଯୁକ୍ତ ଜଣଙ୍କ ହେଲେ ଡି.ଉଦୟଭାନୁ ରେଡି। ପୋଲିସ ଅଟକ ରଖି ତାଙ୍କୁ ପଚରାଉଚରା କରୁଛି।
