ନୟାଗଡ଼ (ବାଘୁଆବାର୍ତ୍ତା): ବୟସ ଅନୁପାତରେ ଅଧିକ ବୟସ୍କା ଲାଗିଲେ ବହୁ ମହିଳା ବ୍ୟସ୍ତ ହୋଇପଡନ୍ତି କିନ୍ତୁ କୌଣସି ଉପାୟ ଅବଲମ୍ବନ କରନ୍ତି ନାହିଁ । ନିଜ ସୌନ୍ଦର୍ୟ୍ୟ ପ୍ରତି ବୀତସ୍ପୃହ ହୋଇ ପଡନ୍ତି । କିନ୍ତୁ ଏଥିପାଇଁ ଆଦୌ ବିବ୍ରତ ନ ହୋଇ ଘରୋଇ ପ୍ରସ୍ତୁ କେତୋଟି ପ୍ରଣାଳୀ ଅବଲମ୍ବନ କରନ୍ତୁ । ଏହାଦ୍ୱାରା ପୁଣି ଅଧିକ ସୌନ୍ଦର୍ୟ୍ୟର ଅଧିକାରିଣୀ ହୋଇ ପାରିବେ । ମୁହଁକୁ ସର୍ବଦା ପରିଷ୍କାର ରଖିବା ଚେଷ୍ଟା କରନ୍ତୁ । ଅଧିକ ଥର ସାବୁନ ବ୍ୟବହାର ନ କରି ଫେଓ ୱାଶରେ ମୁହଁ ସଫା କରନ୍ତୁ । ମଇଳା ନ ରହିଲେ ତ୍ୱଚା ସର୍ବଦା ଉଜ୍ଜ୍ୱଳ ରହିବ । ମୃତ କଣିକା ମଧ୍ୟ ବାହାରିଯିବ । ବେସନ ଦ୍ୱାରା ମଧ୍ୟ ମଇଳା ମୁହଁକୁ ପରିଷ୍କାର କରାଯାଇପାରେ । ଏହା ଅତି ଉତ୍ତମ ପନ୍ଥା । ବିଉଟି ପାର୍ଲର ନ ଯିବା ପାଇଁ ଚାହୁଁଥିଲେ ଘରେ ବସି ଫେସପ୍ୟାକ ପ୍ରସ୍ତୁତ କରନ୍ତୁ । ଏକ ଚାମଚ (ବଡ଼) ମୁଲତାନି ମାଟି, ଏକ ଚାମଚ ଲେମ୍ବୁରସ, କିଛି ସିରକା ବା ଭିନେଗାର ଓ ଗୋଟିଏ ଅଣ୍ଡାର ହଳଦିଆ ଅଂଶକୁ ମିଶାଇ ଫ୍ରିଜରେ ପନ୍ଦର ମିନିଟ ରଖିଦିଅନ୍ତୁ । ତା’ପରେ ତାକୁ ପତଳା ଭାବେ ମୁହଁ ଓ ବେକରେ ଲଗାଇ ଅଧଘଣ୍ଟାଏ ପର୍ୟ୍ୟନ୍ତ ରଖନ୍ତୁ । ଭଲ ରୂପେ ଶୁଖିଯିବା ପରେ ସାମାନ୍ୟ କ୍ଷୀରରେ ତୂଳା ବୁଡାଇ ସଫା କରି ଉଷୁଚମା ପାଣିରେ ମୁହଁ ଠିକ ଭାବେ ଧୋଇ ଦିଅନ୍ତୁତ । ୨୫ ବର୍ଷ ବୟସ ଅତିକ୍ରମ କରିଯିବା ପରେ ଏହି ଫେଶପ୍ୟାକ ନିୟମିତ ଅର୍ଥାତ ସପ୍ତାହରେ ଥରେ କରିବା ଅତି ପ୍ରୟୋଜନ । ଏହାଦ୍ୱାରା ମୁଁହରେ କୌଣସି ପ୍ରକାର ଦାଗ, ବ୍ରଣ, କୁଞ୍ଚିତ ରେଖା ଦେଖିବାକୁ ମିଳିବା ନାହିଁ । ଚେହେରାର କମନୀୟତା ଓ ଉଜ୍ଜ୍ୱଳତା ବୃଦ୍ଧି ପାଇବ । ଯଦି ଘରେ ଫେସିଆଲ କରିବାକୁ ଚାହାନ୍ତି ତେବେ ହର୍ବାଲ କମ୍ପାନୀର ମେସେଜିଂ କ୍ରିମରେ ମେସେଜ କରନ୍ତୁ । ଦୁଇ ହାତରେ ତଳୁ ଅର୍ଥାତ ବେକରୁ ମୁହଁ ଉପରକୁ ଷ୍ଟ୍ରୋକ ଦ୍ୱାରା ମେସେଜ କରନ୍ତୁ । ପନ୍ଦର ମିନିଟ ମେସେଜ ପରେ ସ୍କ୍ରବ ମାରି ପୁଣି ପନ୍ଦର ମିନିଟ ପାଣି ଲଗାଇ ହାତରେ ମେସେଜ କରନ୍ତୁ । ମନେରଖନ୍ତୁ, ଯେପରି ମେସେଜ ତଳୁ ଉପରକୁ ହେବ । ଗାଲ ଉପରେ ହାତର ଚାପ ଅଧିକ ପଡିବା ଉଚିତ । ତା’ପରେ ପୁଣି ପ୍ୟାକ ମାରି ମୁହଁ ଧୋଇ ଦିଅନ୍ତୁ । ଅନ୍ୟ କେହି ଜଣେ ମେସେଜ କରିଦେଲେ ଫେସିଆଲ ଠିକ ଭାବେ ହୋଇଥାଏ । ଏହାଛଡା ଘରେ ଯଦି ବ୍ଳିଚିଂ କରିବାକୁ ଚାହୁଁଥାନ୍ତି ତେବେ ବ୍ଳିଚିଂ କ୍ରିମ ଆଣି ମାରିଦିଅନ୍ତୁ । ଦୁଇ ଚାମଚ (ଛୋଟ) କ୍ରିମରେ ଏକଟିଭେଟର ପାଉଡର ଦୁଇ ଚା’ ଚାମଚ ଆଣି ଗୋଳାଇ ମୁହଁ ଓ ବେକରେ ଭଲ ଭାବେ ଲଗାନ୍ତୁ । ଆଖି ଓ ଓଠକୁ ବାଦ ଦେବେ । କୋଡିଏ ମିନିଟ ପରେ ଧୋଇ ମଣ୍ଡଚାଇଜର କ୍ରିମରେ ମୁହଁ ମେସେଜ କରନ୍ତୁ । ବ୍ଳିଚ କରିବା ଦିନ ଆଉ ସାବୁନ ପ୍ରୟୋଗ କରିବେ ନାହିଁ । ଘରେ ମଧ୍ୟ ବ୍ଳିଚ ପ୍ରସ୍ତୁତ କରିପାରନ୍ତି । ଦୁଇ ବଡ଼ ଚାମଚ ବ୍ଳିଚିଂ ପାଉଡର ଏକ ବଡ଼ ଚାମଚ ହାଇଡ୍ରୋଜେନ ପେରୋକସାଇଡ ଏବଂ ଦୁଇ ବୁନ୍ଦା ଏମୋନିଆକୁ ନେଇ ପେଷ୍ଟ ତିଆରି କରି ମୁହଁ ସହ ବେକରେ ହାରତ କିମ୍ବା ବ୍ରଶ ଦ୍ୱାରା ତଳୁ ଉପରକୁ ଲଗାନ୍ତୁ । କୋଡିଏ ମିନିଟ ପରେ ଥଣ୍ଡା ପାଣିରେ ଭଲଭାବେ ଧୋଇ ଦିଅନ୍ତୁ ।
ମହିଳାମାନେ ସୌନ୍ଦର୍ଯ୍ୟ ବୃଦ୍ଧି କରିବାର ଟିପ୍ସ ଜାଣନ୍ତୁ
