ୟୁଏଇରେ ଆଇପିଏଲ ମ୍ୟାଚ୍ ଖେଳିବା ନେଇ ମିଳିଲା ଗ୍ରୀନ୍ ସିଗନାଲ

ନୂଆଦିଲ୍ଲୀ, (ବାଘୁଆବାର୍ତ୍ତା): ମହାମାରୀ ସାର ବିଶ୍ୱକୁ କବଳିତ କରି ରଖିଛି । ଏହାରି ଭିତରେ ମହାମାରୀ କରୋନା ଥମିବା ପରେ ଚଳିତ ବର୍ଷ ଆଇପିଏଲ୍-୨୦୨୧ ସଂସ୍କରଣ ମ୍ୟାଚ୍ ଅନୁଷ୍ଠିତ ହୋଇଥିଲା । ଆଇପିଏଲରେ ମଧ୍ୟ କରୋନା ମାଡ଼ ହେବାରୁ ତୁରନ୍ତ ଆଇପିଏଲ୍-୨୦୨୧ ସ୍ଥଗିତ ରହିଥିଲା । ଏନେଇ ବିସିସିଆଇ ବହୁ ଆଲୋଚନା ପରେ ୟୁଏଇରେ ଆଇପିଏଲର ସମସ୍ତ ମ୍ୟାଚ୍ ହେବ ବୋଲି ଘୋଷଣା କରିଛି । ସୂଚନାନୁସାରେ, ଚଳିତ ବର୍ଷ ଆଇପିଏଲ ମ୍ୟାଚ୍ ଚାଲିଥିବା ବେଳେ ଆଇପିଏଲ ମ୍ୟାଚରେ ସାମିଲ ହୋଇଥିବା ଦଳ ଭିତରକୁ ମହାମାରୀ କରୋନା ପ୍ରବେଶ କରିଥିଲେ । କେତେକ ଖେଳାଳୀ ଓ କୋଚଙ୍କର ମହାମାରୀ କରୋନାରେ ସଂକ୍ରମିତ ହୋଇଥିବା ଚିହ୍ନଟ ହେବା ପରେ ବାକି ଥିବା ସମସ୍ତ ମ୍ୟାଚକୁ ସ୍ଥଗିତ ରଖାଯାଇଥିଲା । ଏନେଇ ବିସିସିଆଇ ପକ୍ଷରୁ ବିଦେଶୀ କ୍ରିକେଟ୍ ବୋର୍ଡ ସହିତ ଆଇପିଏଲ ମ୍ୟାଚ ହେବା ନେଇ ଆଲୋଚନା ଜାରି ରହିଥିଲା । ଆଲୋଚନା ପରେ ୟୁଏଇ ରାଜି ହୋଇଥିଲା । ସେପେମ୍ବର ୧୮ରୁ ଅକ୍ଟୋବର ୧୦ତାରିଖ ମଧ୍ୟରେ ବାକି ଥିବା ୩୧ଟି ମ୍ୟାଚ୍ ଆରମ୍ଭ ହେବା ନେଇ ଆଜି ବିସିସିଆଇ ଘୋଷଣା କରିଛି । ୨୯ଟି ମ୍ୟାଚ୍ ଖେଳ ହେବା ପରେ ଆଇପିଏଲ୍ ମ୍ୟାଚ୍ ସ୍ଥଗିତ ରହିଥିଲା ।