ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସଦର ବ୍ଲକ୍ ଗଦାଧର ପ୍ରସାଦ ପଞ୍ଚାୟତ ଅନ୍ତର୍ଗତ ବାଲିକୁଦିଆ ଗ୍ରାମରେ ବିସିସି କ୍ରିକେଟ୍ କ୍ଲବର ୧୧ତମ ପଞ୍ଚାୟତ ସ୍ତରୀୟ ଟୁର୍ଣ୍ଣାମେଣ୍ଟ ଉଦଯାପନୀ ହୋଇଯାଇଛି । ଏହି ଟୁର୍ଣ୍ଣାମେଣ୍ଟ ୮ଦିନ ଧରି ଚାଲିଥିଲା । ଆଜି ଫାଇନାଲ୍ ମ୍ୟାଚରେ ମାଣିକାଗୋଡା କ୍ରିକେଟ୍ କ୍ଲବ୍ ସହ ଘରୋଇ ଟିମ୍ ବାଲିକୁଦା କ୍ରିକେଟ୍ ସହ ଅନୁଷ୍ଠିତ ହୋଇଥିଲା । ଉଦଯାପନୀକୁ ସ୍ଥାନୀୟ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଉଭୟ ଦଳକୁ ଉତ୍ସାହିତ କରିଥିଲେ । ଟୁର୍ଣ୍ଣାମେଣ୍ଟରେ ମାଣିକାଗୋଡା କ୍ରିକେଟ୍ କ୍ଲବ୍ ପ୍ରଥମେ ଟସ୍ ଜିତି ବାଲିକୁଦିଆ କ୍ରିକେଟ୍ କ୍ଲବକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ଘରୋଇ ବାଲିକୁଦିଆ କ୍ରିକେଟ୍ କ୍ଲବ ନିର୍ଦ୍ଧାରିତ ୧୫ ଓଭରରେ ୮ଟି ମୂଲ୍ୟବାନ ୱିକେଟ୍ ହରାଇ ୧୭୪ ରନ୍ କରିବାରେ ସକ୍ଷମ ହୋଇଥିଲା । ତେବେ ଉଦଯାପନୀ ମ୍ୟାଚର ଦ୍ୱିତୀୟ ଇନିସିଂରେ ୧୭୫ ରନର ବିଜୟ ଲକ୍ଷ ନେଇ ମାଣିକାଗୋଡା କ୍ରିକେଟ୍ କ୍ଲବ୍ ପଡିଆକୁ ପ୍ରବେଶ କରିଥିଲା । ହେଲେ ମାଣିକାଗୋଡା କ୍ରିକେଟ୍ କ୍ଲବ୍ ସମସ୍ତ ୱିକେଟ୍ ହରାଇ ୧୨୯ ରନ୍ କରି ପରାଜୟ ବରଣ କରିଥିଲା । ବିସିସି କ୍ରିକେଟ୍ କ୍ଲବର ୧୧ତମ ଟୁର୍ଣ୍ଣାମେଣ୍ଟରେ ବାଲିକୁଦିଆ ଚମ୍ପିଆନ୍ ହୋଇଥିଲା । ରନସ୍ ଅଫ୍ ଦଳକୁ ୩୫୦୦ଟଙ୍କାର ଆର୍ଥିକ ପୁରଷ୍କାର ପ୍ରଦାନ କରାଯାଇଥିବା ବେଳେ ଚମ୍ପିଆନ୍ ଦଳକୁ ୫୫୦୦ଟଙ୍କାର ଆର୍ଥିକ ପୁରଷ୍କାର ପ୍ରଦାନ କରାଯାଇଥିଲା । ଆଜିର ଏହି ମ୍ୟାଚକୁ ଦୁଇ ବରିଷ୍ଠ ଅମ୍ପାୟାର ହରସ କୁମାର ମୁଦୁଲି ଓ ରାକେଶ ପ୍ରଧାନ ପରିଚାଳନା କରିଥିଲେ । ଉଦଯାପନୀ ଦିବସର କ୍ରିକେଟ୍ ଟୁର୍ଣ୍ଣାମେଣ୍ଟରେ ମୁଖ୍ୟଅତିଥି ମନ୍ତ୍ରୀ ଡ଼ ସାହୂଙ୍କ ସହ ଗଦାଧର ପ୍ରସାଦ ପଞ୍ଚାୟତର ସରପଞ୍ଚ ପାର୍ଥୀ ଲକ୍ଷ୍ମୀଧର ପାତ୍ର, ସମିତି ପାର୍ଥୀ ମାନଓ ରଂଜନ ମହାପାତ୍ର, ପ୍ରଶନ୍ନ ରଥ, ବାବୁଲି ପ୍ରଧାନ ଓ ବିସିସି କ୍ରିକେଟ୍ କ୍ଲବର ସମସ୍ତ ସଦସ୍ୟ ଉପସ୍ଥିତ ଥିଲେ ।
ବିସିସି ୧୧ତମ କ୍ରିକେଟ୍ ଟୁର୍ଣ୍ଣାମେଣ୍ଟ:ମାଣିକାଗୋଡାକୁ ହରାଇ ବାଲିକୁଦିଆ ଚମ୍ପିଆନ୍
