ନୟାଗଡ଼,(ବାଘୁଆବାର୍ତ୍ତା): ଜିଲ୍ଲା ସଂସ୍କୃତି ପରିଷଦ ଏବଂ ନାଟ୍ୟଧାରା ଆନୁକୂଲ୍ୟରେ ଆଜି ନାଟକ ମହୋତ୍ସବର ତୃତୀୟ ଦିବସରେ ‘ବାଉଁଶ ଠେଙ୍ଗାରେ ସ୍ୱାଧିନତା’ ନାଟକ ମଞ୍ଚସ୍ଥ ହୋଇଯାଇଛି । ପଠାଣି ସାମନ୍ତ ପ୍ରେକ୍ଷାଳୟ ପରିସରରେ ପରିବେଷଣ ହେଉଥିବା ତୃତୀୟ ଦିବସ ନାଟକକୁ ଢେଙ୍କାନାଳ ଜିଲ୍ଲା କଳାପରିଷଦ ପକ୍ଷରୁ ‘ବାଉଁଶ ଠେଙ୍ଗାରେ ସ୍ୱାଧିନତା’ନାଟକକୁ ଜନସାଧାରଣ ବେଶ ଉପଭୋଗ କରିଥିଲେ । ଏହି ନାଟକଟି ସର୍ବଭାରତୀୟ ସ୍ତରରେ ସୁନାମ ଅର୍ଜ୍ଜନ କରିଥିବା ବେଳେ ନୟାଗଡ଼ ଜିଲ୍ଲା ରଣପୁର ଉପରେ ରଚନା କରାଯାଇଥିବା ଜଣାପଡିଛି । ସମ୍ନାନୀତ ଅତିଥି ଭାବେ ବରିଷ୍ଠ ନାଟ୍ୟ ବ୍ୟକ୍ତିତ୍ୱ ଦିଲ୍ଲୀଶ୍ୱର ମହାରଣା ଯୋଗଦେଇ ନାଟକ ପ୍ରେମୀମାନଙ୍କୁ ଓ ନାଟକ ପରିବେଷଣ କରୁଥିବା କର୍ମକର୍ତ୍ତାମାନଙ୍କୁ ଉତ୍ସାହିତ କରିଥିଲେ । ଦିଲ୍ଲୀଶ୍ୱର ମହାରଣାଙ୍କ ରଚିତ ଓ ନିର୍ଦ୍ଦେଶନାରେ ବାଉଁଶ ଠେଙ୍ଗାରେ ସ୍ୱାଧିନତା ନାଟକକୁ ଦେଖିବା ପାଇଁ ପଠାଣି ସାମନ୍ତ ପ୍ରେକ୍ଷାଳୟରେ ନାଟକ ପ୍ରେମୀଙ୍କ ଉତ୍ସାହିତ ଥିବା ଜଣାପଡିଛି । ନାଟ୍ୟଧାରା ସଭାପତି ପ୍ରମୋଦ ପଟ୍ଟନାୟକ, ସଂପାଦକ ଲକ୍ଷ୍ମୀଧର ମହାପାତ୍ର, ନିର୍ଦ୍ଦେଶକ ଡ଼ ବିଜୟ ଚୌଧୁରୀ ପ୍ରମୁଖ ଉପସ୍ଥିତ ଥିଲେ ।
