ବାତ୍ୟା ‘ୟଶ’, ୪ଟା ସୁଦ୍ଧା ଦୁଇ ଲକ୍ଷ ଦଶ ହଜାର ହେଲେଣି ସ୍ଥାନାନ୍ତର

ଭୁବନେଶ୍ୱର (ବାଘୁଆବାର୍ତ୍ତା): ସ୍ଥଳଭାଗ ଆଡକୁ ମାଡି ଆସୁଛି ବାତ୍ୟା ‘ୟଶ’ । ଏହି ବାତ୍ୟା ତାର ଗତିପଥ ବଦଳାଇଛି । ତେବେ ଧାମରାରୁ ଭିତରକନିକା ମଧ୍ୟରେ ଏହା ଲ୍ୟାଣ୍ଡଫଲ କରିବ ବୋଳି ଆକଳନ କରାଯାଉଛି । ଫଳରେ ଭଦ୍ରକ, ବାଲେଶ୍ୱର ସମେତ କେନ୍ଦ୍ରାପଡା ଜିଲ୍ଲା ପାଇଁ ଅଧିକ ବିପଦ ରହିଥିବା କହିଛନ୍ତି ଏସଆରସି ପ୍ରଦୀପ ଜେନା । ତେଣୁ ଏହିସବୁ ଜିଲ୍ଲାର ଲୋକଙ୍କୁ ସ୍ଥାନାନ୍ତର ପାଇଁ ପ୍ରକ୍ରିୟା ଆରମ୍ଭ କରିଛି ଜିଲ୍ଲା ପ୍ରଶାସନ । ‘ୟସ’ ପ୍ରଭାବରେ ଅଧିକ କ୍ଷତିଗ୍ରସ୍ତ ହେବାକୁ ଥିବା ବାଲେଶ୍ୱର ଜିଲ୍ଲାରେ ୪ଟା ସମୟ ସୁଦ୍ଧା ୭୪ ହଜାର ୧୩୨ ଲୋକ ସ୍ଥାନାନ୍ତରିତ ହୋଇଛନ୍ତି । ଭଦ୍ରକ ଜିଲ୍ଲାପାଳଙ୍କ ସୂଚନା ଅନୁସାରେ ଏପର୍ଯ୍ୟନ୍ତ ଜିଲ୍ଲାରେ ୭୩ ହଜାର ୧୦୩ ଲୋକଙ୍କୁ ସ୍ଥାନାନ୍ତର କରାଯାଇ ସାରିଲାଣି । କେନ୍ଦ୍ରାପଡା ଜିଲ୍ଲାର ୪୧ ହଜାର ୬୮୫ ଜଣଙ୍କୁ ସ୍ଥାନାନ୍ତରିତ କରାଯାଇଛି । ଜଗତସିଂହପୁର ଜିଲ୍ଲାର ୯ ହଜାର ୧୨୨ ଲୋକଙ୍କୁ ସ୍ଥାନାନ୍ତରିତ କରାଯାଇଛି । ଏହିପରି ଭାବରେ ପୁରୀ, ଖୋର୍ଦ୍ଧା, କେନ୍ଦ୍ରାପଡା, କଟକ ଜିଲ୍ଲା ମାନଙ୍କରୁ ସ୍ଥାନାନ୍ତରିତ ପ୍ରକ୍ରିୟା ଏହିପରି ଭାବେ ଜାରି ରହିଛି । ଏବେ ବି ସ୍ଥାନାନ୍ତର ପ୍ରକ୍ରିୟା ଜାରି ରହିଛି ।