ବାତ୍ୟା ‘ୟଶ’ର ଲ୍ୟାଣ୍ଡଫଲ ଆରମ୍ଭ, ୩ ରୁ ୪ ଘଣ୍ଟା କରିବ ତାଣ୍ଡବ ଲୀଳା

ଭୁବନେଶ୍ୱର, (ବାଘୁଆବାର୍ତ୍ତା): ଠିକ ୯ଟା ବେଳେ ଧାମରା ଠାରେ ପହଞ୍ଚିଛି ବାତ୍ୟା ‘ୟଶ’ ବର୍ତ୍ତମାନ ଅତି ଭୀଷଣ ରୂପରେ ଥିବା ବାତ୍ୟା ‘ୟଶ’ର ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇଯାଇଛି । ଧାମରା ଓ ଏହାର ଆଖପାଖ ଅଞ୍ଚଳରେ ଏହା ଲ୍ୟାଣ୍ଡଫଲ କରୁଛି । ଏହି ସମୟରେ ପବନର ବେଗ ୧୩୦ ରୁ ୧୪୦ କିମି ରହିଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । ଲ୍ୟାଣ୍ଡଫଲ ପ୍ରକ୍ରିୟା ୩ ରୁ ୪ ଘଣ୍ଟା ଧରି ଚାଲିବ ଓ ଏହି ସମୟରେ ବ୍ୟାପକ କ୍ଷୟକ୍ଷତି ଘଟିବାର ଆଶଙ୍କା ଥିବା ବିଭାଗ ପକ୍ଷରୁ ଆକଳନ କରାଯାଇଛି । ସେହିପରି ବର୍ତ୍ତମାନ ‘ୟଶ’ ବାଲେଶ୍ୱର ଠାରୁ ୫୦ କିମି ଦୂରରେ ରହିଛି । ମଧ୍ୟାହ୍ନ ୧ଟା ସୁଦ୍ଧା ଏହା ଉତ୍ତର ଧାମରା ଓ ଦକ୍ଷିଣ ବାଲେଶ୍ୱର ଦେଇ ଉପକୂଳ ଅତିକ୍ରମ କରିବ । ଲ୍ୟାଣ୍ଡଫଲ ଚାଲିଥିବାରୁ ସମୁଦ୍ର ଜୁଆର ଉଠିବାର ଆଶଙ୍କା ରହିଛି ।