ଭୁବନେଶ୍ୱର (ବାଘୁଆବାର୍ତ୍ତା): ଘଣ୍ଟାପ୍ରତି ୧୭ କିମି ବେଗରେ ଓଡିଶା ଆଡକୁ ମୁହାଁଉଛି ବାତ୍ୟା ୟାସ ଏହା ପୂର୍ବରୁ ବାତ୍ୟାର ସ୍ଥିତି କେମିତି ରହିଛି ସେନେଇ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନ୍ସିଂ ମାଧ୍ୟମରେ ସ୍ଥିତି ସମୀକ୍ଷା କରିଛନ୍ତି ନବୀନ । ମୁଖ୍ୟମନ୍ତ୍ରୀଙ୍କୁ ବାତ୍ୟା ସମ୍ପର୍କିତ ସମସ୍ତ ସୂଚନା ଦେଇଛନ୍ତି ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା । ସୂଚନା ଦେଇ ସେ କହିଛନ୍ତି ଯେ ବାତ୍ୟା ‘ୟଶ’ ବର୍ତ୍ତମାନ ପାରାଦ୍ୱୀପ ଠାରୁ ୨୦୦ କିମି ଦକ୍ଷିଣ-ଦକ୍ଷିଣ ପଶ୍ଚିମ ଦିଗରେ ରହିଥିବା ବେଳେ ଏହା ଉତ୍ତର-ପଶ୍ଚିମ ଦେଇ ଗତି କରୁଛି । ବାତ୍ୟା ଧାମରାର ଉତ୍ତରରେ ବାହାନଗା ଓ ବାସୁଦେବପୁର ଦେଇ ଯିବାକୁ ଥିବା ବେଳେ ଉତ୍ତର-ପଶ୍ଚିମାଞ୍ଚଳ ମୟୁରଭଞ୍ଜ ଓ କେଉଁଝର ଦେଇ ଓଡିଶାରୁ ଝାରଖଣ୍ଡକୁ ଚାଲିଯିବ ବୋଲି ଏସଆରସି ସୂଚନା ଦେଇଛନ୍ତି । ଆସନ୍ତାକାଲି ଭୋର ସକାଳ ୮ ଓ ୯ଟା ପର୍ଯ୍ୟନ୍ତ ଲ୍ୟାଣ୍ଡଫଲ ଜାରି କରିବ । ଏହି ସମୟରେ ପାଖାପାଖି ପବନର ବେଗ ୧୫୦-୧୫୫ ରହିବ । ସେହିପରି ରାଜ୍ୟରେ ବର୍ଷା ସ୍ଥିତିକୁ ନେଇ ମଧ୍ୟ ମୁଖ୍ୟମନ୍ତ୍ରୀଙ୍କୁ ଅବଗତ କରିଛନ୍ତି ସ୍ୱତନ୍ତ୍ର ରିଲିଫ କମିଶନର । ଗତକାଲି ଠାରୁ ୫ଟି ଜିଲ୍ଲାରେ ପ୍ରବଳ ବର୍ଷା ହୋଇଥିବା ବେଳେ ପାରାଦ୍ୱୀପରେ ଅଧିକ ବର୍ଷା ହୋଇଛି । ପରାଦ୍ୱୀପରେ ପ୍ରାୟ ୧୧୦ ମିଲିମିଟର ହୋଇଛି ବୋଲି ଏସଆରସି ଦେଇଛନ୍ତି । ସେହିପରି ବାତ୍ୟା ପ୍ରବାହରେ ଆଜି ରାତି ସାରା ବର୍ଷା ରହିବା ସହିତ ରାତି ୯ ରୁ ୧୦ ଭିତରେ ପବନର ବେଗ ବଢ଼ିବ ବୋଲି ସୂଚନା ଦେଇଛି । ଆସନ୍ତାକାଲି ରାତି ୯ଟା ବେଳକୁ ବାତ୍ୟା ଓଡିଶା ସୀମା ଦେଇ ଚାଲିଯିବ । ଲ୍ୟାଣ୍ଡଫଲ ପଏଣ୍ଟର ଡାହାଣ ଆଡକୁ ୪ ମିଟର ଜୁଆର ଉଠିବାକୁ ଥିବା ବେଳେ ବାମ ପଟକୁ ୨ ରୁ ୩ ମିଟର ଜୁଆର ଉଠିବ । ବର୍ତ୍ତମାନ ରାଜ୍ୟର ଉଦ୍ଧାର କାର୍ଯ୍ୟ ସମ୍ପର୍କରେ ସୂଚନା ଦେଇ ଏସଆରସି କହିଛନ୍ତି ଯେ ଦିନ ୩ଟା ବେଳ ସୁଦ୍ଧା ଅଢ଼େଇ ଲକ୍ଷରର ଅଧିକ ଲୋକଙ୍କୁ ଉଦ୍ଧାର କରାଯାଇଛି । କଚ୍ଚା ଘରୁ ସମସ୍ତଙ୍କୁ ଆଶ୍ରୟ ସ୍ଥଳକୁ ଅଣାଯିବାର ଯୋଜନା ରହିଛି । ସେହିପରି ଝଡରେ ପ୍ରଭାବିତ ହେବାକୁ ଅଞ୍ଚଳରୁ ସମସ୍ତଙ୍କୁ ଉଦ୍ଧାର କରିବାକୁ ନିର୍ଦ୍ଦେଶ ଦିଆଯାଇଛି ଓ କାର୍ଯ୍ୟ ଜାରୀ ରହିଛି । ବାଲେଶ୍ୱର ଓ ଭଦ୍ରକ ଏହି ଦୁଇଟି ଜିଳ୍ଲା ଅଧିକ ପ୍ରଭାବିତ ହେବା ସହିତ କେନ୍ଦ୍ରାପଡା, ରାଜନଗର, ରଜକନିକା, ପଟାମୁଣ୍ଡାଇ ଆଦି ଏହି ଅଞ୍ଚଳରେ ବାତ୍ୟା କ୍ଷତି କରିପାରେ ବୋଲି ଏସଆରସି ସୂଚନା ଦେଇଛନ୍ତି । ସେହିପରି ବାତ୍ୟା ବେଳେ କିତରକନିକା ଏରସମା ଓ ପାରଦ୍ୱୀପରେ ପବନର ବେଗ ଅଧିକ ରହିବ । ଯେହେତୁ ବାତ୍ୟା କେଉଁଝର, ଆନନ୍ଦପୁର, ଆଠଡିହି ଓ ଠାକୁରମୁଣ୍ଡା ଦେଇ ଯିବ, ତେଣୁ ସେଠାରେ ୯୦-୧୦୦ କିମି ବେଗରେ ପବନ ବହିପାରେ । ଏଥିପାଇଁ ଜିଲ୍ଲାପାଳମାନଙ୍କୁ ସତର୍କ କରାଯାଇଥିବା ମୁଖ୍ୟମନ୍ତ୍ରୀଙ୍କୁ କହିଛନ୍ତି ଏସଆରସି । ମୁଖ୍ୟମନ୍ତ୍ରୀଙ୍କୁ ସୂଚନା ଦେଇ ପ୍ରଦୀପ ଜେନା କହିଛନ୍ତି ଯେ ବିଶେଷକରି ପିଇବା ପାଣି ପାଇଁ ଆବଶ୍ୟକ ଅନୁସାରେ ଟ୍ୟାଙ୍କର ଯୋଗାଯିବା ସହିତ ଆବଶ୍ୟକ ଅନୁସାରେ ଜେନେରେଟର ଯୋଗାଯାଇଛି । ତା ସହିତ ବର୍ତ୍ତମାନ ୩୫୬ଟି ଗାଡିରେ ଟ୍ୟାଙ୍କର ଅଛି । ୨୭୦ଟି ମୋବାଇଲ ରିପାୟାର ୟୁନିଟ, ୪୧୦୧୭ଟି ପାଇପ ୱାଟର ସପ୍ଳାଏ ଓ ୧୭୮୬ ପିଭିସି ପାଇପ ସହିତ ଉପଯୁକ୍ତ ପରିମାଣରେ ପମ୍ପ ସେଟ ଆଦି ରହିଛି । ତା ସହିତ ଯେତେଗୁଡିଏ ଟାଙ୍କି ରହିଛି ସବୁଗୁଡିକୁ ଫୁଲ କରି ରଖାଯିବ ବୋଲି ଏସଆରସି କହିଛନ୍ତି । ସେହିପରି ଶକ୍ତି ବିଭାଗ ପକ୍ଷରୁ ମଧ୍ୟ ବ୍ୟାପକ ପଦକ୍ଷେପ ନିଆଯାଇଛଇ । ବିଭାଗ ପକ୍ଷରୁ ୧୦ ହଜାରରୁ ଅଧିକ କର୍ମଚାରୀ କାର୍ଯ୍ୟ କରୁଛନ୍ତି । ୨୬-୨୭ ହଜାର ପୋଲ, ୩୦୦୦ କିମି ତାର, ୧୨୦୦ ଟ୍ରାନ୍ସଫର ମଧ୍ୟ ଫିଲ୍ଡକୁ ଯାଇ ସାରିଲାଣି । ୫୨ ଏନଡିଆରଏପ ଟିମ, ୬୦ ଓଡ୍ରାଫ ଟିମ, ୨୦୬ ଫାୟାର ସର୍ଭିସ ଟିମ, ଫରେଷ୍ଟ ଡିପାର୍ଟମେଣ୍ଟର ୮୬ଟି ଟ୍ରି-କଟର ଟିମ ରହିଛନ୍ତି । ଏସବୁକୁ ମିଶାଇ ମୋଟ ୪୦୪ଟା ଟିମ ନିଆଯାଇଛି । ଯେଉଁଥିରେ ପାଖାପାଖି ୪ ହଜାର ଲୋକ ଫିଲ୍ଡରେ ଅଛନ୍ତି ବୋଲି ମୁଖ୍ୟମନ୍ତ୍ରୀଙ୍କୁ ସୂଚନା ଦେଇଛନ୍ତି ଏସଆରସି । ସେହିପରି ପୂର୍ତ୍ତ ବିଭାଗ, ଗ୍ରାମ୍ୟଉନ୍ନୟନ ବିଭାଗ ଓ ଜଳସମ୍ପଦ ବିଭାଗକୁ ମିଶାଇ ୬୦୦ରୁ ଅଧିକ ଇଞ୍ଜିନିୟରିଂ ଟିମ ରଖାଯାଇଛି । ଯେଉଁଥିରେ ହାଇୱା, କଟର ଆଦି ବ୍ୟବସ୍ଥା ରଖାଯାଇଛି । ଯେଉଁ ଏରିଆରେ ବାତ୍ୟାର ପ୍ରଭାବ କମ ରହିବ ଯଥା ଗଞ୍ଜାମ, ପୁରୀ ଆଜି ସେଠାରୁ ଆମେ ଅତିରିକ୍ତ ଜେନେରେଟର ସେଟ ଓ ପାଖାପାଖି ୩୦୦ ଆସ୍କା ଲାଇଟ ବାଲେଶ୍ୱର, ପଜ୍ରକ ଓ କେନ୍ଦ୍ରାପଡା ଜିଲ୍ଲାକୁ ପଠାଯାଇଛି । ଲାଇଟ କଯିବା ମାତ୍ରେ ଏସବୁର ବ୍ୟବହାର ହେବ ବୋଲି ଏସଆରସି କହିଛନ୍ତି । ୪୫୦୦ରୁ ଅଧିକ ଗର୍ଭବତୀ ମହିଳାଙ୍କୁ ଚିହ୍ନଟ କରାଯାଇ ସେମାନଙ୍କୁ ସିଫ୍ଟ କରାଯାଉଛି । ସେମାନଙ୍କ ମଧ୍ୟରୁ ଆଜି ସକାଳ ସୁଦ୍ଧା ୪୦୦ ମହିଳା ଜନ୍ମ ଦେଇ ସାରିଲେଣି । ବାକିଙ୍କୁ ହସପିଟାଲ ପଠାଯାଉଛି । ସେହିପରି ପୂର୍ତ୍ତ ବିଭାଗ ପକ୍ଷରୁ କୋଭିଡ ହସପିଟାଲ ଗୁଡିକରେ ମରାମତି କରାଯିବ ସହିତ ସବୁ ବ୍ୟବସ୍ଥା କରାଯାଉଛି ବୋଲି ଏସଆରସି ସୂଚନା ଦେଇଛନ୍ତି ।
