ନେପାଳରେ ବସ୍ତ୍ର ବଣ୍ଟନ

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ର ଉପାନ୍ତ ଅଂଚଳ ଭାବେ ପରିଚିତ ବାଣ୍ଠପୁର ପଂଚାୟତର ନେପାଳ ଗ୍ରାମରେ ନୟାଗଡ଼ ସ୍ୱୟଂ ଶାସିତ ମହାବିଦ୍ୟାଳୟର ଏମଏସଡବ୍ଲ୍ୟୁ ବିଭାଗ ଛାତ୍ରଛାତ୍ରୀମାନେ ପହଂଚି ବସ୍ତ୍ର ଏବଂ ଖାଦ୍ୟ ପୁଡ଼ିଆ ବଣ୍ଟନ କରିଛନ୍ତି । ବିଭାଗ ମୁଖ୍ୟ ସ୍ମିତା ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ୧୫୦ରୁ ଉର୍ଦ୍ଧ ଅଭାବୀ ଓ ଅସହାୟ ଲୋକଙ୍କୁ ସହାୟତା ପ୍ରଦାନ କରାଯାଇଥିବା ଜଣାପଡ଼ିଛି । ସ୍ଥାନୀୟ ଲୋକଙ୍କ ବିଭିନ୍ନ ସମସ୍ୟା ସଂମ୍ପର୍କରେ ଆଲୋଚନା କରିବା ସହିତ ସ୍ଥାନୀୟ ଆଦିବାସୀ ଲୋକଙ୍କ ଖାଦ୍ୟ, ବସ୍ତ୍ର, ବାସଗୃହ ଓ ସେମାନଙ୍କ ଜୀବନ ଶୈଳୀ ଉପରେ ଛାତ୍ରଛାତ୍ରୀମାନେ ନିରିକ୍ଷଣ କରିଛନ୍ତି । ଏହି ଗ୍ରାମରେ ସରକାରୀ ଯୋଜନା, ଗ୍ରାମକୁ ରାସ୍ତା, ଡାକ୍ତରଖାନା, ବିଦ୍ୟାଳୟ, ଅଙ୍ଗନବାଡ଼ି, ବିଦ୍ୟୁତ ସାତସପନ ହୋଇଥିବା ବେଳେ ସରକାରଙ୍କ କିଭଳି ସେମାନଙ୍କର ଉନ୍ନତୀ କରାଯାଇପାରିବ ସେ ନେଇ ଛାତ୍ରଛାତ୍ରୀମାନେ ଅନୁସନ୍ଧାନ କରିଛନ୍ତି । ଏହି କାର୍ଯ୍ୟକ୍ରମରେ ଜ୍ୟୋତି ରଂଜନ ମହାପାତ୍ର ଏବଂ ଚନ୍ଦ୍ରଶେଖର ବେହେରା ପରିଚାଳନା କରିଥିଲେ ।