ନୟାଗଡ଼଼,(ବାଘୁଆବାର୍ତ୍ତା): ଆଜି ନୟାଗଡ଼ ଜିଲ୍ଲାର ମାନ ରଖିଛନ୍ତି ବୈାଦ୍ୟୁତିକ ଗଣମାଧ୍ୟମ ପ୍ରତିନିଧି ଆର୍ତ୍ତତ୍ରାଣ ପ୍ରଧାନ । ଜଣେ ପ୍ରସୂତି ମହିଳା ସୁନାଖଳା ବସଷ୍ଟାଣ୍ଡରେ ଛୁଆ ଜନ୍ମ କରି ଅସହାୟ ଅବସ୍ଥାରେ ପଡ଼ି ରହିଥିବା ବେଳେ ଆର୍ତ୍ତତ୍ରାଣ ତାଙ୍କୁ ଉଦ୍ଧାର କରି ସ୍ଥାନୀୟ ଅଂଚଳରେ ପ୍ରଶଂସାର ପାତ୍ର ହୋଇଥିବା ବେଳେ ନୟାଗଡ଼ର ମାନ ରଖି ପାରିଛନ୍ତି । ସୂଚନାନୁସାରେ, ଗତକାଲି ରାତିରେ ତାଙ୍କର ପ୍ରସବ ବେଦନା ହେବାରୁ ରଣପୁର ଅଂଚଳର ଜଣେ ମହିଳା ୧୦୨ ଆମ୍ବୁଲାନ୍ସକୁ ଫୋନ କରି ଡାକ୍ତରଖାନା ଆସିଥିଲେ । ଆମ୍ବୁଲାନ୍ସ ତାଙ୍କୁ ଆଣି ସୁନାଖଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଂଚାଇବା ବେଳକୁ ସେଠାରେ ଡାକ୍ତର ନଥିବା ବେଳେ ଡ୍ୟୁଟିରେ ଥିବା ସ୍ୱାସ୍ଥ୍ୟ କର୍ମଚାରୀ କରୋନା ହୋଇଛି କହି ତାଙ୍କୁ ବିଦା କରି ଦେଇଥିବା ଅଭିଯୋଗ ହୋଇଛି । ଫଳରେ ରାତିସାରା ସୁନାଖଳା ବସଷ୍ଟାଣ୍ଡରେ ଛଟପଟ ହୋଇ ଆଜି ସକାଳ ୭ଟା ସମୟରେ ଏକ କନ୍ୟାସନ୍ତାନ୍ତ ଜନ୍ମ ଦେଇ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପଡ଼ି ରହିଥିବା ଦେଖା ଯାଇଥିଲା । ଖବରପାଇ ଘଟଣାସ୍ଥଳରେ ବୈାଦ୍ୟୁତିକ ଗଣମାଧ୍ୟମ ପ୍ରତିନିଧି ଆର୍ତ୍ତତ୍ରାଣ ପ୍ରଧାନ ପହଂଚି ୧୦୮ ଆମ୍ବୁଲାନ୍ସକୁ ଫୋନ କରିବା ସହ ମହିଳାଙ୍କୁ ଉଦ୍ଧାର କରି ପୁଣିଥରେ ସୁନାଖଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତୀ କରିଥିବା ଜଣାଯାଇଛି । ଏହି ଘଟଣା ଆଜି କେବଳ ନୟାଗଡ଼ ଜିଲ୍ଲା ନୁହେଁ ସାରା ରାଜ୍ୟରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି । କିଛିଦିନ ତଳେ ଆର୍ତ୍ତତ୍ରାଣ ଜଣେ ଦୁର୍ଘଟଣା ଗ୍ରସ୍ତ ବ୍ୟକ୍ତିଙ୍କ ୫୦ ହଜାର ଟଙ୍କାକୁ ସୁରକ୍ଷିତ ଭାବେ ତାଙ୍କୁ ପ୍ରଦାନ କରିବା ସହ ତାଙ୍କୁ ଡାକ୍ତରଖାନା ନେଇ ଚିକିତ୍ସିତ କରାଇଥିବା ଜଣାଯାଇଛି । ଆତ୍ରର୍ତ୍ତାଣଙ୍କ ଏଭଳି ପ୍ରୟାଶ ପାଇଁ ତାଙ୍କୁ ‘ବାଘୁଆବାର୍ତ୍ତ’ ତରଫରୁ ଶୁଭେଚ୍ଛା ଓ ଧନ୍ୟବାଦ ପ୍ରଦାନ କରାଯାଉଛି ।
