ଓଡ଼ଗାଁ(ବାଘୁଆବାର୍ତ୍ତା):ଆଜି ଓଡ଼ଗାଁ ବ୍ଲକ ସ୍ଥିତ କଲ୍ୟାଣୀମଣ୍ଡପ ଠାରେ ବରିଷ୍ଠ ନାଗରିକମାନଙ୍କର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଅଛି ।ବୈଠକରେ ମୁଖ୍ୟଅତିଥିରୂପେ ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ ଯୋଗ ଦେଇ ବରିଷ୍ଠ ନାଗରିକମାନଙ୍କୁ ସଦା ସର୍ବଦା ସମ୍ମାନ ଦେବା ସହ ସେମାନଙ୍କର ଦାୟିତ୍ୱ ନେବା ଉଚିତ ବୋଲି କହିଥିଲେ ।ସର୍ବସମ୍ମତିକ୍ରମେ ନୟାଗଡ଼ ବିଧାୟକ ତଥା ମନ୍ତ୍ରୀ ଡ଼ଅରୁଣ କୁମାର ସାହୁଙ୍କୁ ଉପଦେଷ୍ଟା ଭାବରେ ଚୟନ କରାଯାଇଥିବାବେଳେ ଅନୁଷ୍ଠାନର ଆଗାମୀ କାର୍ଯ୍ୟପନ୍ଥାକୁ ଲକ୍ଷ୍ୟ ଏକ ୧୦ଜଣିଆ କୋର କମିଟି ମଧ୍ୟ ଗଠନ କରାଯାଇଥିଲା ।ପରବର୍ତ୍ତୀ ସମୟରେ ଓଡ଼ଗାଁ ଅଞ୍ଚଳର ବିକାଶର ଧାରାକୁ ଆହୁରି ତ୍ୱରାନ୍ୱିତ କରିବା ପାଇଁ ବରିଷ୍ଠ ନାଗରିକ ମାନଙ୍କର ସହଯୋଗ ଏବଂ ସହଭାଗିତା ଏକାନ୍ତ କାମ୍ୟ ବୋଲି ମଣି ବିଧାୟକ ତଥା ମନ୍ତ୍ରୀ ଡ଼ ସାହୁ ସର୍ବଦା ପ୍ରାଧାନ୍ୟ ଦେଇଥାନ୍ତି ।ଆଜିର ବୈଠକରେ ସଭାପତି ବସନ୍ତ କୁମାର ମିଶ୍ର, ଜିଲ୍ଲା ପରିଷଦ ସଭ୍ୟ ବିଭୁପ୍ରସାଦ ସାହୁଙ୍କ ସମେତ ସମ୍ପାଦକ ବନମାଳୀ ଦାସ ଏବଂ୨୦୦ରୁ ଉର୍ଦ୍ଧ୍ବ ବରିଷ୍ଠ ନାଗରିକ ଉପସ୍ଥିତ ଥିଲେ ।
