ଓଡ଼ଗାଁ, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ଶ୍ରୀରାମ ସ୍ପୋର୍ଟସକ୍ଲବ୍ ଦ୍ବାରା ଆୟୋଜିତ ପ୍ରଥମ ବାପୁନି ମେମୋରିଆଲ କ୍ରିକେଟ୍ ଟୁର୍ଣ୍ଣାମେଣ୍ଟର ଦ୍ଵିତୀୟ ଦିବସର ପ୍ରଥମ ଲିଗ୍ ମ୍ୟାଚ ଜେସିସି ନୟାଗଡ଼ ବନାମ ଇଟାମାଟି ମଧ୍ଯରେ ଅନୁଷ୍ଠିତ ହୋଇଥିଲା।ଏହି ମ୍ୟାଚରେ ଇଟାମାଟି ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୮ ଓଭରରେ ୧୨୮ ରନ୍ ସଂଗ୍ରହ କରିଥିଲାବେଳେ ଜବାବରେ ଜେସିସି ନୟାଗଡ଼ ୮ ଓଭରରେ ୭୩ ରନ୍ କରି ପରାଜିତ ହୋଇଥିଲା।
ବିଜୟୀ ଦଳର ବିଭୂତି ୧୨ ବଲରେ ୫୩ ରନ୍ କରି ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିଲେ।ସେହିପରି ଦ୍ଵିତୀୟ ଲିଗ୍ ମ୍ୟାଚ୍ ଶାଳଝରିଆ ବନାମ ଏମୟୁସିସି ଗୋଡ଼ିସାହି ମଧ୍ଯରେ ଅନୁଷ୍ଠିତ ହୋଇଥିଲା। ଗୋଡ଼ିସାହି ପ୍ରଥମେ ବ୍ୟାଟିଙ୍ଗ କରି ୮ ଓଭରରେ ୭୪ ରନ୍ ସଂଗ୍ରହ କରିଥିଲାବେଳେ ଜବାବରେ ଶାଳଝରିଆ ୮ ୱିକେଟରେ ବିଜୟ ହାସଲ କରିଥିଲା।ବିଜୟୀ ଦଳର ସୂର୍ଯ୍ୟମଣି ବେହେରା ୧୦ ବଲରେ ୧୨ ରନ୍ ସଂଗ୍ରହ କରିବା ସହିତ ୨ ଓଭରରେ ୩ ୱିକେଟ୍ ନେଇ ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିଲେ।
ଦ୍ଵିତୀୟ କ୍ୱାର୍ଟର ଫାଇନାଲ ୨ ବିଜୟୀ ଦଳ ଇଟାମାଟି ଏବଂ ଶାଳଝରିଆ ମଧ୍ୟରେ ଅନୁଷ୍ଠିତ ହୋଇଥିଲା।ଇଟାମାଟି ପ୍ରଥମେ ବ୍ୟାଟିଙ୍ଗ କରି ୮ ଓଭରରେ ୧୧୯ ରନ୍ ସଂଗ୍ରହ କରିଥିଲାବେଳେ ଜବାବରେ ଶାଳଝରିଆ ୮ ଓଭରରେ ୬ ୱିକେଟ୍ ହରାଇ ୮୫ ରନ କରି ପରାଜିତ ହୋଇଥିଲା।ଯାହା ଫଳରେ ଇଟାମାଟି ୨ୟ ଦଳ ଭାବେ ସେମିଫାଇନାଲରେ ପ୍ରବେଶ କଲା। ବିଜୟୀ ଦଳର ସୁରେଶ ୩୩ ବଲରେ ୮୧ ରନ୍ ସଂଗ୍ରହ କରି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ।ବସନ୍ତ କୁମାର ସାହୁ ଖେଳ ପରିଚାଳନା କରିଥିବାବେଳେ ରୋହନ,ରାମନାଥ,ତନ୍ମୟ,ପ୍ରବୀର୍, ଆଶିଷ,ମାତୃପ୍ରସାଦ ସହଯୋଗ କରିଥିଲେ।
