ଓଡ଼ଗାଁ,(ବାଘୁଆବାର୍ତ୍ତା): ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପ୍ରାଙ୍ଗଣରେ ଓଡ଼ଗାଁ ବ୍ଲକ ଅନ୍ତର୍ଗତ କୁରାଳ ଉଚ୍ଚ ବିଦ୍ୟାଳୟର ୧୯୭୧ ମସିହା ମାଟ୍ରିକ ବ୍ୟାଚର ସୁବର୍ଣ୍ଣ ଜୟନ୍ତୀ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଅଛି । ଆଜିର କାର୍ଯ୍ୟକ୍ରମରେ ମୁଖ୍ୟଅତିଥିରୂପେ ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌରଚନ୍ଦ୍ର ସାହୁ ଯୋଗ ଦେଇଥିବାବେଳେ ଚନ୍ଦ୍ରମଣୀ ଜେନା ,ହରିହର ମହାରଣା ,ହାଡୁବନ୍ଧୁ ପାତ୍ର ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।ପୁରାତନ ଛାତ୍ର ମାନଙ୍କ ତରଫରୁ ଜଳସେଚନ ବିଭାଗର ମୁଖ୍ୟ ଯନ୍ତ୍ରୀ ମନୋରଞ୍ଜନ ମିଶ୍ର ସଭାପତିତ୍ୱ କରିଥିଲେ ।ଅନେକ ଦିନ ପରେ ପୁରାତନ ଛାତ୍ର ମାନଙ୍କ ମିଳନ ହୋଇଥିବାରୁ ସଭିଏଁ ଖୁସି ଜାହିର କରିବା ସହ ଭାବର ଆଦାନ ପ୍ରଦାନ କରିଥିଲେ ।ପୁରାତନ ବନ୍ଧୁମାନେ ଅତୀତର ସଂଘର୍ଷମୟ ଜୀବନକୁ ମନେ ପକାଇ ଆଜିର ସଫଳତାକୁ ନେଇ ଗର୍ବ ଅନୁଭବ କରିଥିଲେ । ଆଜିର କାର୍ଯ୍ୟକ୍ରମରେ ସମୁଦାୟ ପୁରାତନ ବନ୍ଧୁଙ୍କ ପରିବାରଵର୍ଗଙ୍କ ସମେତ ସମୁଦାୟ ୭୦ରୁ ଉର୍ଦ୍ଧ୍ବ ଉପସ୍ଥିତ ଥିଲେ ।ରଜତ କୁମାର ମହାପାତ୍ର ସଭା ସଂଯୋଜନା କରିବା ସହ କାର୍ଯ୍ୟକ୍ରମ ପରିଚାଳନା କରିଥିଲେ ।
