ନୟାଗଡ଼, (ବାଘୁଆବାର୍ତ୍ତା): ଆଗକୁ ଆସୁଛି ସାଧାରଣ ନିର୍ବାଚନ । ଏହି ନିର୍ବାଚନରେ ଦିନକୁ ଦିନ ଶକ୍ତିଶାଳୀ ହେଉଛି ବିଜେଡି । ଗତ କିଛି ଦିନ ଧରି ବିଜେପି ଦଳର ନେତା ମାନେ ନିଜ ଦଳ ତ୍ୟାଗ କରିବାରେ ଲାଗିଛନ୍ତି । ଯାହା ବିଜେପି ପାଇଁ ଅଡୁଆ ପରିସ୍ଥିତି ସୃଷ୍ଟି ହୋଇଛି । ବିଜେପି ଦଳର ପୁରୁଖା ନେତା ମାନେ ବିଜେଡିରେ ଯୋଗ ଦେଉଛନ୍ତି । ଯେଉଁଥି ପାଇଁ ଦିନକୁ ଦିନ ବିଜେଡି ଶକ୍ତିଶାଳୀ ହେବାରେ ଲାଗିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିତି ଆଦର୍ଶରେ ଅନୁପ୍ରାଣୀତ ହୋଇ ବିରୋଧୀ ଦଳର ନେତା ମାନେ ବିଜେଡିରେ ସାମିଲ ହେଉଥିବା କଥା ପ୍ରକାଶ କରୁଛନ୍ତି ।
ଆଜି ନୟାଗଡ଼ ବିଜୁ ଜନତା ଦଳ କାର୍ଯ୍ୟାଳୟରେ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁଙ୍କ ଉପସ୍ଥିତିରେ ବିରୋଧୀ ବିଜେପି ଦଳର ଟାଣୁଆ କର୍ମୀ ମାନେ ବିଜେଡିରେ ସାମିଲ ହୋଇଛନ୍ତି । ନୟାଗଡ଼ ବ୍ଲକ ଅନ୍ତର୍ଗତ ବାଲୁଗାଁ ଗ୍ରାମ ପଞ୍ଚାୟତର ବିଜେପି ନେତା ପୂର୍ଣ୍ଣଚନ୍ଦ୍ର ଦଳବେହେରାଙ୍କ ସମେତ ଅନେକ କର୍ମୀ ଆଜି ବିଜେଡିରେ ଯୋଗ ଦେଇଛନ୍ତି । ଆଗାମୀ ଦିନରେ ବାଲୁଗାଁ ପଞ୍ଚାୟତ ବିଜେଡିକୁ ସୁଦୃଢ଼ କରିବେ ବୋଲି ସଙ୍କଳ୍ପ କରିଛନ୍ତି । ଆଜିର ଏହି ମିଶ୍ରଣ ପର୍ବରେ ସ୍ଥାନୀ ୟସରପଞ୍ଚ ମନୋଜ କୁମାର ନାୟକ, ପଞ୍ଚାୟତ ପର୍ଯ୍ୟବେକ୍ଷକ ପ୍ରମୋଦ କୁମାର ନାୟକ, ଯୁବ ନେତା ସଂଗ୍ରାମ ଜୟସିଂ ଓ ଶୋମନାଥ ସାହୁ ପ୍ରମୁଖ ଉପସ୍ଥିତ ରହିଥିଲେ ।
