ବାଲିପାଟଣା, (ବାଘୁଆବାର୍ତ୍ତା): ଫାଇନାନ୍ସ କର୍ମଚାରୀଙ୍କ ଠାରୁ ଲୁଟ୍ । ଭୁଜାଲି ଦେଖାଇ ଫାଇନାନ୍ସ କର୍ମଚାରୀଙ୍କ ଠାରୁ ୫୨ ହଜାର ଟଙ୍କା ଲୁଟ୍ ହୋଇଛି । ରାଜଧାନୀ ଉପକଣ୍ଠ ବାଲିପାଟଣା ଥାନା ଗୁଆପୁର ଗାଁ ରାସ୍ତାରେ ଏପରି ଲୁଟ୍ ହୋଇଛି । ଭାରତ ଫାଇନାନ୍ସ କମ୍ପାନୀର ବିଶ୍ଵଜିତ୍ ସ୍ଵାଇଁ ଋଣ ଟଙ୍କା ସଂଗ୍ରହ କରି ଭୁବନେଶ୍ଵର ଫେରୁଥିଲେ । ପୂର୍ବରୁ ପିଛା କରୁଥିବା ୨ ଲୁଟେରା ଏକ ବାଇକରେ ଆସି ଗୁଆପୁର ଗାଁ ରାସ୍ତାରେ ବିଶ୍ୱଜିତ୍ଙ୍କୁ ଅଟକାଇଥିଲେ ।
ପରେ ଭୁଜାଲି ଦେଖାଇ ବିଶ୍ଵଜିତଙ୍କୁ ଭୟଭୀତ କରାଇବା ସହ ଟଙ୍କା ବ୍ୟାଗ ନେଇ ଘଟଣାସ୍ଥଳରୁ ଚମ୍ପଟ ମାରିଥିଲେ । ତେବେ ବ୍ୟାଗ୍ ଭିତରେ ୫୨ ହଜାର ଟଙ୍କା ସହ ଏକ ମୋବାଇଲ୍ ଟାବ୍ ଥିଲା । ଘଟଣାକୁ ନେଇ ବିଶ୍ଵଜିତ୍ ବାଲିପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ପରେ ଛାନ୍ଭିନ୍ ଆରମ୍ଭ କରିଛି ପୋଲିସ ।





