ବାଲିଗୁଡା, (ବାଘୁଆବାର୍ତ୍ତା): ବାଲିଗୁଡାରେ ପୁଣି ଫୁଟିଲା ଗୁଳି l ଗୁଳି ଫୁଟାଇ ସୁନା ବ୍ୟବସାୟଙ୍କ ଠାରୁ ଝାମ୍ପି ନେଲେ ସୁନା ବ୍ୟାଗ୍ । ପୋଲିସର ନିଷ୍କ୍ରିୟତା ପ୍ରତିବାଦରେ ବଣିକ ସଂଘ ବନ୍ଦ ଡାକରା ଦେଇଛି l ଦୋକାନ ବଜାର ବନ୍ଦ ରହିଛି । ସୂଚନାଯୋଗ୍ୟ ଯେ, କନ୍ଧମାଳ ଜିଲ୍ଲା ବାଲିଗୁଡ଼ାରେ ପୁଣି ଫୁଟିଲା ଗୁଳି । ସହରର ମଧ୍ୟଭାଗରେ ନେହୁରୁ ଛକ ନିକଟରୁ ଦୁର୍ବୃତ୍ତ ଗୁଳି ଫୁଟାଇ ଭୁଜାଲିରେ ହାଣି ଝlମ୍ପି ନେଲେ ସୁନା ଗହଣା ବ୍ୟାଗ୍ । ମଙ୍ଗଳବାର ସକାଳ ପ୍ରାୟ ୧୦ଟା ବେଳେ ପାଟ୍ଟଖଣ୍ଡା ଜୁଏଲାରୀ ମାଲିକ ବି ସୁବାଷ ଚନ୍ଦ୍ର ଆଚାରୀ ସୁନା ବ୍ୟାଗ୍ ଧରି ଦୋକାନ ଖୋଲିବାକୁ ଯାଉଥିବା ବେଳେ ଦୋକାନ ନିକଟରେ ଗୋଟିଏ ବାଇକରେ ତିନି ଦୁର୍ବୃତ୍ତ ଆସି ଆକ୍ରମଣ କରି ସୁନା ଭର୍ତ୍ତି ବ୍ୟାଗ୍ ଝାମ୍ପିନେଇଥିଲେ । ସୁବାଷ ଚନ୍ଦ୍ର ଆଚାଚୀଙ୍କୁ ଗୁରୁତର ଭାବେ ଉଦ୍ଧାର କରି ବାଲିଗୁଡା ଉପଖଣ୍ଡ ଡାକ୍ତଖାନାରେ ଭର୍ତ୍ତି କରାଯାଇଛି l ଘଟଣାସ୍ଥଳରେ ବାଲିଗୁଡା ପୋଲିସ ପହଞ୍ଚି ତଦନ୍ତ ଜାରି ରଖିଛି । ଆଇନ ଶୃଙ୍ଖଳା ପରିସ୍ଥିତିକୁ ଦାୟୀ କରି ଏହାର ପ୍ରତିବାଦରେ ବଣିକ ସଂଘ ଦୋକାନ ବଜାର ବନ୍ଦ କରି ବନ୍ଦ ଡାକରା ଦେଇଛି l





