ବଲାଙ୍ଗିର, (ବାଘୁଆବାର୍ତ୍ତା): କଣ୍ଟାବାଞ୍ଜି ଏବଂ ତୁରେକେଲା ପୁଲିସ କୌଣସି ସୂତ୍ରରୁ ଖବର ପାଇ ତୁରେକେଲା ଉପକଣ୍ଠସ୍ଥ ଏକ ଜଙ୍ଗଲ ନିକଟରୁ ଚଢଉ କରିଥିଲା । ସେଠାରେ ଥିବା କେ ଏ ୫୨ ବି ୧୧୫୫ ନମ୍ବର ଥିବା ଗାଡିକୁ ଯାଞ୍ଚ କରିବାରୁ ୧୪ହଜାର ୪ଶହ ବୋତଲ କଫସିରଫ, କିଛି ନିଶା ଟ୍ୟାବଲେଟ ଜବତ କରିଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୨୦ ଲକ୍ଷ ହେବ ବୋଲି ଏସପି ନିତିନ କୁଶଳକର ସୂଚନା ଦେଇଛନ୍ତି । ସେହିପରି ଚାଲାଣ କରିବା ଅଭିଯୋଗରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ନଗଦ ୧୩ହଜାର ୫ଶହ ଟଙ୍କା ଜବତ କରିଛି । ତେବେ କଫସିରପରେ ନିଶା ଟ୍ୟାବଲେଟ ମିଶାଇ ନିଶାମାତ୍ରାକୁ ଆହୁରି ବୃଦ୍ଧି କରାଯାଉଥିବା ପୁଲିସ ସନ୍ଦେହ କରୁଛି । ତେବେ ଦୀର୍ଘଦିନ ପରେ ଜିଲ୍ଲାରେ ଏତେ ମାତ୍ରାରେ କଫସିରପ ଜବତ ହେବା ପରେ ପୁଣି ନିଶା କାରବାର ସକ୍ରିୟ ହୋଇଥିବା ଅଭିଯୋଗ ହୋଇଛି ।
