ଭୁବନେଶ୍ୱର,(ବାଘୁଆବାର୍ତ୍ତା): ରାଜ୍ୟରେ ଆସନ୍ତା ଫେବୃୟାରୀ ୨୨ରୁ ଆରମ୍ଭ ହେବ ବିଧାନସଭା ଅଧିବେଶନ । ଉକ୍ତ ବିଧାନସଭାର ବଜେଟ୍ ଅଧିବେଶନ ୨ଟି ପର୍ଯ୍ୟାୟରେ ୩୧ଦିନ ପାଇଁ ବସିବା ନେଇ ବିଧାନସଭା ସଚିବାଳୟ ପକ୍ଷରୁ ନୋଟିସ୍ ଜାରି କରାଯାଇଛି । ଚଳିତ ବର୍ଷର ପ୍ରଥମ ଅଧିବେଶନକୁ ରାଜ୍ୟପାଳ ପ୍ରଫେସର ଗଣେଶୀଲାଲ୍ ଅଭିଭାଷଣ ରଖିବେ । ଫେବୃୟାରୀ ୧୮ରୁ ୨୭ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ଅଧିବେଶନ ବସିବାକୁ ଥିବା ବେଳେ ମାର୍ଚ୍ଚ ୧୨ତାରିଖରୁ ଏପ୍ରିଲ୍ ୯ତାରିଖ ପର୍ଯ୍ୟନ୍ତ ଦ୍ୱିତୀୟ ଅଧିବେଶନ ବସିବା ନେଇ ନୋଟିସ୍ ଜାରି ହୋଇଛି । ତେବେ ଉକ୍ତ ଅଧିବେଶନ ଭିତରେ ୨୦୨୧-୨୨ଆର୍ଥିକ ବର୍ଷର ବଜେଟ୍ ଫେବୃୟାରୀ ୨୨ତାରିଖରେ ଉପସ୍ଥାପନ କରାଯିବ । ଏବଂ ମାର୍ଚ୍ଚ ୩୧ ତାରିଖରେ ୨୦୨୧-୨୨ଆର୍ଥିକ ବର୍ଷର ବ୍ୟୟମଞ୍ଜୁରୀ ବିଲ୍ ଆଗତ କରାଯିବ ବୋଲି ନୋଟିସ୍ ମାଧ୍ୟମରେ ଅବଗତ କରାଯାଇଛି ।
