ଭୁବନେଶ୍ୱର,(ବାଘୁଆବାର୍ତ୍ତା): କୋଭିଡ୍-୧୯ ସମୟରେ ଦେଶରେ ଆର୍ଥିକ ମାନ୍ଦାବସ୍ଥା ଦେଖା ଦେଇଥିଲା ବେଳେ ରାଜ୍ୟ ସରକାରଙ୍କ ରିଲିଫ୍ ଫଣ୍ଡକୁ ବାଗଚୀ ଦମ୍ପତ୍ତି ଆର୍ଥିକ ସହାୟତା ପ୍ରଦାନ କରି ଚର୍ଚ୍ଚାର ପରିସର ଆସିଥିଲେ । ଆଜି ପୁଣି ଏକ ମହାନତା କାମ କରି ପୁଣି ଚର୍ଚ୍ଚାର ପରିସରକୁ ଆସିଛନ୍ତି ଦମ୍ପତ୍ତି ସୁବ୍ରତ-ସୁସ୍ମିତା ବାଗଚୀ । ସୁବତ୍ର ବାଗଚୀ ରାଜ୍ୟ କ୍ୟାବିନେଟରେ ଏକାଧିକ ଗୁରୁତ୍ୱପୂର୍ଣ୍ଣ ପଦପଦବୀରେ ସୂଚାରୁ ରୂପେ କାର୍ଯ୍ୟ ତୁଲାଇ ଥିଲେ । ଆଜି ରାଜ୍ୟ କ୍ୟୋବିନେଟରେ ଏକାଧିକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ମୋହର ବାଜିଛି । ଭୁବନେଶ୍ୱରରେ ହେବ ବାଗଚି-କରୁଣାଶ୍ରୟ ପାଲିଆକ୍ଟିଟିଭ କେୟାର ସେଣ୍ଟର । ଏଥିପାଇଁ ଉଭୟ ସୁବ୍ରତ-ସୁସ୍ମିତା ବାଗଚୀ ୧୩୦କୋଟି ଟଙ୍କା ଦେବାକୁ ନିଷ୍ପତ୍ତି ନେଇଥିବା ବେଳେ ରାଜ୍ୟ ସରକାର ଉକ୍ତ ପାଲିଆକ୍ଟିଭ କେୟାର ସେଣ୍ଟର ପାଇଁ ୨୦ଏକର ଜମି ମାଗଣାରେ ଯୋଗାଇ ଦେବେ । ଉକ୍ତ ସେଣ୍ଟରରେ ରୋଗୀମାନଙ୍କୁ ସଂପୂର୍ଣ୍ଣ ମାଗଣାରେ ଚିକିତ୍ସା ଯୋଗାଇ ଦିଆଯିବ । ଏଥି ସହିତ ଭୁବନେଶ୍ୱରରେ ବାଗଚୀ-ଶ୍ରୀ ଶଙ୍କର କର୍କଟ ହସ୍ପିଟାଲ ପ୍ରତିଷ୍ଠାକୁ ମଂଜୁରୀ ମିଳିଛି । ସେଥିପାଇଁ ମଧ୍ୟ ବାଗଚୀ ଦମ୍ପତ୍ତି ୨୧୦କୋଟି ଟଙ୍କା ପ୍ରଦାନ କରିବେ ବୋଲି ଜଣାପଡିଛି । ଉଭୟ ପ୍ରକଳ୍ପ ପାଇଁ ବାଗଚୀ ଦମ୍ପତ୍ତି ମୋଟ ୩୪୦କୋଟି ଟଙ୍କା ଦେବେ ବୋଲି ସୂଚନା ମିଳିଛି । କର୍କଟ ହସ୍ପିଟାଲ ୨୦୨୪ସୁଦ୍ଧା ୨୫୦ଶର୍ଯ୍ୟାରେ ରୋଗୀଙ୍କୁ ଚିକିତ୍ସା ମିଳିବ । ସେଥିପାଇଁ ପ୍ରସ୍ତୁତି ମଧ୍ୟ ଆଗେଇ ଚାଲିଛି ।
