ଶାଶୁ ଥାନାରେ ଅଟକ
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ନାଟୁଗାଁ ପଂଚାୟତ ସଜନାପଡ଼ା ଗ୍ରାମରେ ବଧୁହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତ ମହିଳା ଜଣଙ୍କ ହେଲେ ହରପ୍ରିୟା ସେଠୀ । ସୂଚନାନୁସାରେ, ରଣପୁର ଥାନା ବାଉଶଁଗଡ଼ ଗ୍ରାମର ରବିନ୍ଦ୍ର ସେଠୀଙ୍କ ଝିଅ ହରପ୍ରିୟା ସେଠୀଙ୍କର ସଜନାପଡ଼ା ଗ୍ରାମ ପ୍ରଫୁଲ କୁମାରର ସେଠୀଙ୍କ ପୁଅ ଲୋକନାଥ ସେଠୀଙ୍କ ସହ ୨୦୧୭ ମସିହା ମେ ୬ ତାରିଖରେ ବିବାହ ହୋଇଥିଲା । ଗତ ତିନିଦିନ ତଳେ ହରପ୍ରିୟାଙ୍କ ଶାଶୁ ଘରକୁ ତାଙ୍କ ନଣନ୍ଦଙ୍କ ମାନେ ଆସିଥିବା ବେଳେ ଘରେ ଚିକେନ ରୋଷେଇକୁ ନେଇ କଳହ ହୋଇଥିଲା । ଯାହା ଫଳରେ ଆଜି ଶଶୁର ଓ ସ୍ୱାମୀ ମିଶି ହରପ୍ରିୟାଙ୍କୁ ହତ୍ୟା କରିଥିବା ଇଟାମାଟି ଥାନାରେ ଅଭିଯୋଗ ହୋଇଛି । ଅନ୍ୟପକ୍ଷେ ହରପ୍ରିୟାଙ୍କ ଶାଶୁଙ୍କ କହିବାନାନୁସାରେ, ବୋହୁ ଆଜି ଘର ଭିତରେ ଏକ ଲୁଗା ଦ୍ୱାରା ଫ୍ୟାନରେ ଝୁଲି ପଡ଼ିଥିଲା । ଶାଶୁ ତାଙ୍କ ପଡ଼ୋଶୀଙ୍କ ସହାୟତାରେ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ । ଡାକ୍ତର ତାଙ୍କୁ ମୃତ ଘୋଷଣା କରିଥିବା ବେଳେ ପୁଲିସ ପହଂଚି ଶବ ଜବତ କରିବା ସହ ବ୍ୟବେଚ୍ଛଦ ପାଇଁ ପଠାଇଛି । ଏହି ଘଟଣାରେ ସଂପୃକ୍ତ ବନରକ୍ଷୀ ଚାକିରି କରିଥିବା ସ୍ୱାମୀଙ୍କ ସହ ଶଶୁର ଫେରାର ହୋଇଯାଇଥିବା ବେଳେ ଶାଶୁଙ୍କୁ ପୁଲିସ ଅଟକ ରଖିଛି ।
