ସାଧୁ ପିନ୍ଧିଲେ ହର୍ବାଲ ମାସ୍କ

ନୂଆଦିଲ୍ଲୀ (ବାଘୁଆବାର୍ତ୍ତା): ଭାରତୀୟ ମାନେ ନୂଆ ଚିନ୍ତାଧାରାରେ ଧୁରନ୍ଧର । ଭାରତୀୟ ମାନଙ୍କ ଅନେକ ଚିନ୍ତାଧାରା ଯୋଗାଡ଼ ଭିଡିଓ ଓ ଫଟୋ ସୋସିଆଲ ମିଡିଆରେ ଦେଖିବାକୁ ମିଳୁଛି । ସୀତାପୁରର ଜଣେ ସାଧୁ ବାବାଙ୍କ ଭିଡିଓ ଭାଇରାଲ ହେଉଛି, ଯେଉଁଥିରେ ସେ ହର୍ବାଲ ମାସ୍କ ପିନ୍ଧିଥିବା ନଜର ଆସିଛନ୍ତି । ଆଇପିଏସ ଅଫିସର ରୂପିନ ଶର୍ମା ଭିଡିଓଟିକୁ ଶେୟାର କରିଛନ୍ତି । ସୀତାପୁର ବସଷ୍ଟାଣ୍ଡ ନିକଟରେ ଏହାର ସୁଟିଂ ହୋଇଛି ଭିଡିଓରେ ବୃଦ୍ଧ ସାଧୁ ବାବା ପିନ୍ଧିଥିବା ହର୍ବାଲ ମାସ୍କ ନିମ୍ବ ଓ ତୁଳସୀ ପତ୍ରରେ ପ୍ରସ୍ତୁତ ହୋଇଛି । ବାବା ନିଜର ଏହି ସ୍ୱତନ୍ତ୍ର ମାସ୍କର ସୁଫଳ ବିଷୟରେ କହିଛନ୍ତି । ତାଙ୍କ କହିବା ଅନୁସାରେ, ତୁଳସୀ ଓ ନିମ୍ବରେ ବ୍ୟାକ୍ଟେରିଆରୋଧୀ ଗୁଣ ରହିଛି । ସେଥିପାଇଁ ଏହା କରୋନା ଭାଇରସରୁ ରକ୍ଷା କରିବ । ଅନ୍ୟ ସବୁ ମାସ୍କ ତୁଳନାରେ ଏହି ହର୍ବାଲ ମାସ୍କ ଅଧିକ ପ୍ରଭାବଶାଳୀ ବୋଲି ସେ ବିଶ୍ୱାସ କରନ୍ତି । ସାଧୁ ବାବା ନିଜ ଯୋଗାଡକୁ ଶହେ ପ୍ରତିଶତ ଠିକ କହିଲେ ମଧ୍ୟ ଲୋକେ କରୋନା ସଂକ୍ରମଣକୁ ଯୋଗାଡ ଦ୍ୱାରା ନୁହେଁ ବରଂ ବୁଦ୍ଧିବିଚାର ଦ୍ୱାରା ହରାଇବା ଉଚିତ । ସଂକ୍ରମଣ ବୃଦ୍ଧିର ଆଶଙ୍କା ଥିବାଭଳି କୌଣସି କାମ କରିବା ଉଚିତ ନୁହେଁ ।