ରାଧାକୃଷ୍ଣ ମଠର ମଠାଧିଶଙ୍କୁ ହତ୍ୟା

ନୟାଗଡ଼ (ବାଘୁଆବାର୍ତ୍ତା): ସୁବର୍ଣ୍ଣପୁର ଜିଲ୍ଲା ସଦର ଥାନା ବିଶିମୁଣ୍ଡା ରାଧାକୃଷ୍ଣ ମଠର ମଠାଧିଶଙ୍କୁ ନିର୍ମମ ଭାବେ ହତ୍ୟା । ବାବା କହ୍ନାଇ ଚରଣ ଦାସଙ୍କୁ କେହି ହତ୍ୟା କରିଥିବା ସୂଚନା ମିଳିଛି । ବିଳମ୍ବିତ ରାତ୍ରିରେ ବାବା ଶୋଇଥିବା ଅବସ୍ଥାରେ ତାଙ୍କୁ ହତ୍ୟା କରାଯାଇଥିବା ଜଣାପଡିଛି । ମଠର କର୍ମକର୍ତ୍ତା ରାମବାସୀ ସକାଳୁ ମଠକୁ ଗଲାପରେ ବାବାଙ୍କୁ ଅତି ନିର୍ମମଭାବେ ହତ୍ୟା କରାଯାଇଥିବା ଦେଖିବାକୁ ପାଇଥିଲେ । ପରେ ରାମବାସୀ ସୋନପୁର ପୋଲିସକୁ ଖବର ଦେଇଥିଲେ । ଏବେ ଘଟଣା ସ୍ଥଳରେ ପୋଲିସ ପହଁଞ୍ଚି ଅନୁସନ୍ଧାନ ଆରମ୍ଭ କରିଛି । କିଏ କେଉଁ କାରଣ ପାଇଁ ବାବାଙ୍କୁ ହତ୍ୟା କରିଛି କାରଣ ସ୍ପଷ୍ଟ ହୋଇପାରି ନାହିଁ । ତଦନ୍ତ ପରେ ହିଁ ସମସ୍ତ ଘଟଣା ଉପରୁ ରହସ୍ୟ ଇନ୍ମୋଚିତ ହେବା ସହ ଅଭିଯୁକ୍ତକୁ ଗିରଫ କରାଯିବ ବୋଲି ପୋଲିସ ଅଧିକାରୀ କହିଛନ୍ତି ।