ମାଆ ଓ ପୁଅକୁ ହାଣିଦେଲେ

ନୟାଗଡ଼,(ବାଘୁଆବାର୍ତ୍ତା): ଭାଗ ଚାଷକୁ କେନ୍ଦ୍ର କରି ନୟାଗଡ଼ ଜିଲ୍ଲା ଦଶପଲ୍ଲା ଥାନା ଘୁଗୁଡ଼ିପଡ଼ା ପଞ୍ଚାୟତ ଅନ୍ତର୍ଗତ ବସନ୍ତପୁର ଗ୍ରାମରେ ଆଜି ଏକ ଅଭାବନୀୟ ଘଟଣା ଘଟିଛି । ବସନ୍ତପୁର ଗ୍ରାମର ବିପ୍ର ନାୟକଙ୍କ ଜମିକୁ ଉକ୍ତ ଗ୍ରାମର ନିରଞ୍ଜନ ମୁଦୁଲି ଭାଗ ଚାଷ କରୁଥିଲେ । ଚଳିତ ବର୍ଷ ପାଇଁ ବିପ୍ର ତାଙ୍କ ଜମି ଚାଷ କରିବାକୁ ନିରଞ୍ଜନକୁ ବାରଣ କରି ଦେଇଥିଲେ । ଏହାକୁ ନେଇ ଆଜି ନିରଞ୍ଜନ ଏବଂ ଅନ୍ୟ କିଛି ବ୍ୟକ୍ତି ବିପ୍ର ଏବଂ ତାଙ୍କ ମାଆଙ୍କୁ ଟାଙ୍ଗିଆରେ ଆକ୍ରମଣ କରି ଗୁରୁତର କରି ଦେଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଦଶପଲ୍ଲା ଡାକ୍ତରଖାନାରେ ଭର୍ତ୍ତୀ କରିଥିବା ବେଳେ ସେମାନେ ଚିକିତ୍ସିତ ହୋଇଥିବା ଜଣାଯାଇଛି । ଚିକିତ୍ସା ପରେ ବିପ୍ର ଏହି ଘଟଣାକୁ ନେଇ ଦଶପଲ୍ଲା ଥାନାରେ ଲିଖିତ ଅଭିଯୋଗ କରିଛନ୍ତି ।