ସମ୍ବଲପୁର, (ବାଘୁଆବାର୍ତ୍ତା): କଫ ସିରପ ଚୋରି ଅଭିଯୋଗରେ ଏଏସଆଇ ନିଲମ୍ବିତ। ସମ୍ବଲପୁର ଟାଉନ ଥାନା ଏଏସଆଇ ବିଦ୍ୟୁତ ପଣ୍ଡା ନିଲମ୍ବିତ ହୋଇଛନ୍ତି। ନିଲମ୍ବନ କରିଛନ୍ତି ସମ୍ବଲପୁର ଏସପି। ତାଙ୍କ ନିକଟରୁ ୨ ପେଟି କଫ ସିରପ ଜବତ ହୋଇଛି। ନୂତନ ଭାବେ ଏଏସଆଇକୁ ପଦୋନ୍ନତି ପାଇଥିଲେ ଏହି ଟାଉନ ଥାନା ଅଧିକାରୀ ଜଣଙ୍କ। ନିକଟରେ ଟାଉନ ପୋଲିସ ପ୍ରାୟ ୧୫ ହଜାର ନିଶା କଫ ସିରପ ଜବତ କରିଥିଲା। ସେହି କଫସିରଫ ସବୁ ଥାନା ମାଲଖାନାରେ ରଖାଯାଇଥିବା ବେଳେ ଏଏସଆଇ ବିଦ୍ୟୁତ ପଣ୍ଡା ଚଞ୍ଚକତା କରି ଦୁଇ ପେଟି କଫ ସିରଫ ଚୋରି କରିଥିଲେ। ପରବର୍ତ୍ତୀ ସମୟରେ ଅନ୍ୟ ଅଧିକାରୀ ମାନେ ଏହା ଜାଣିବାକୁ ପାଇଥିଲେ। ଏହି ଘଟଣା ସମ୍ବଲପୁର ଏସପି ଜାଣିବା ପରେ ବିଦ୍ୟୁତ ପଣ୍ଡାକୁ ନିଲମ୍ବିତ କରିବା ସହ ଦୁଇ ପେଟି କଫ ସିରଫ ଜବତ କରିଛନ୍ତି।
