ଭୁବନେଶ୍ୱର,(ବାଘୁଆବାର୍ତ୍ତା): କେନ୍ଦ୍ର ସରକାର ଆମେ ସବୁ ଦେଉଛି କହି ଦେଶସାରା ଡିଣ୍ଡିମ ପଟୁଥିବା ବେଳେ ଓଡ଼ିଶାକୁ ଅନୁଦାନ ଦେବାରେ ପାତର ଅନ୍ତର କରୁଛନ୍ତି । ଯାହାପାଇଁ ସଠିକ୍ ସମୟରେ ଓଡ଼ିଶାକୁ କେନ୍ଦ୍ରୀୟ ଅନୁଦାନ ମିଳୁନଥିବା ଅଭିଯୋଗ ହୋଇଛି । କେନ୍ଦ୍ର ସରକାରଙ୍କ ଉପରେ ରାଜ୍ୟର ୧୨ଟି ବିଭାଗର ୪୬୨୫ କୋଟି ବାକିଥିବା ଜଣାପଡିଛି । ଯାହାଫଳରେ ରାଜ୍ୟ ଅର୍ଥବିଭାଗର ପ୍ରମୁଖ ସଚିବ ଅଶୋକ ମୀନା କେନ୍ଦ୍ରୀୟ ଯୋଜନା ଅର୍ଥ ଦେଉନଥିବା ନେଇ ଚିଠି ଲେଖୀଥିବା ଜଣାପଡିଛି । ସୂଚନାନୁସାରେ, ପଞ୍ଚାତିରାଜ ବିଭାଗର ୮୯୪.୯୯କୋଟି, ସ୍କୁଲ ଓ ଗଣଶିକ୍ଷା ବିଭାଗର ୫୯୮କୋଟି, ଗୃହ, ନଗର ଉନ୍ନୟନ ଓ ମହିଳା ଶିଶୁ ବିକାଶ ବିଭାଗର ୫୯୦.୭୫କୋଟି, କୃଷି ବିଭାଗର ୫୬୮କୋଟି, ଅର୍ଥ ଓ ଗ୍ରାମ୍ୟ ଉନ୍ନୟନ ବିଭାଗର ୯୨୪କୋଟି ଟଙ୍କା କେନ୍ଦ୍ରୀୟ ଅନୁଦାନ ରାଜ୍ୟକୁ ମିଳିନଥିବା ଜଣାପଡିଛି ।
