ଡୋର ଟୁ ଡୋର ସର୍ଭେକୁ ଗୁରୁତ୍ୱ, ଆଶା, ଅଙ୍ଗନୱାଡୀ, ସ୍ୱାସ୍ଥ୍ୟକର୍ମୀ କରିବେ ସର୍ଭେ, ଗ୍ରାମାଞ୍ଚଳକୁ ଫୋକସ

ଭୁବନେଶ୍ୱର (ବାଘୁଆବାର୍ତ୍ତା): ରାଜ୍ୟରେ କରୋନା ସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ଏଥିପାଇଁ ରାଜ୍ୟ ସରକାର ବିଭିନ୍ନ ପନ୍ଥା ଅବଲମ୍ବନ କରିଛନ୍ତି । ରାଜ୍ୟରେ ଡୋର ଟୁ ଡୋର ସର୍ଭେକୁ ଫୋକସ କରାଯାଇଛି । ଏଣିକି ସରକାରଙ୍କ ନିର୍ଦ୍ଦେଶ କ୍ରମେ ଡୋର ଟୁ ଡୋର ସର୍ଭେ କରାଯିବ । ଆଶା କର୍ମୀ, ଅଙ୍ଗନବାଡି କର୍ମୀ ଓ ସ୍ୱାସ୍ଥ୍ୟ କର୍ମୀ ଡୋର ଟୁ ଡୋର ସର୍ଭେ ଆରମ୍ଭ କଲେଣି । ରାଜ୍ୟରେ କରୋନା ସ୍ଥିତି ନେଇ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ପ୍ରତିକ୍ରିୟା ଦେଇଛନ୍ତି । ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି ଯେ, ବର୍ତ୍ତମାନ ଗ୍ରାମାଞ୍ଚଳକୁ ଫୋକସ କରାଯାଉଛି ତାହା ନୁହେଁ ଗତ ବର୍ଷଠୁ ଗ୍ରାମାଞ୍ଚଳକୁ ଫୋକସ କରାଯାଉଛି । ତିନି ମାସ ପାଇଁ ଆଇଏଲଆଇ ସର୍ଭେ ସହ ଡେଙ୍ଗୁ, ମ୍ୟାଲେରିଆ ଓ ଡାଏରିଆର ଇଣ୍ଟିଗ୍ରେଟେଡ ସର୍ଭେ ହୋଇଥିଲା । ସରକାରଙ୍କ ନିର୍ଦେଶ କ୍ରମେ ଡୋର ଟୁ ଡୋର ସର୍ଭେକୁ ଫୋକସ କରାଯିବ । ଯେଉଁମାନଙ୍କର ଲକ୍ଷଣ ଥିଲା ସେମାନେ ଟେଷ୍ଟ ପାଇଁ ଆସୁଥିଲେ । ଏଣିକି ନିୟମିତ ଆଶା କର୍ମୀ, ଅଙ୍ଗନବାଡି କର୍ମୀ ଓ ସ୍ୱାସ୍ଥ୍ୟ କର୍ମୀ ଡୋର ଟୁ ଡୋର ସର୍ଭେ କରିବେ । ଲକ୍ଷଣ ଆସିଲେ ଟେଷ୍ଟ କରାଯିବ । ବର୍ତ୍ତମାନ ୫୬ ହଜାର ଟେଷ୍ଟିଂ ହେଉଛି ଆଗକୁ ବଢ଼ିବ । ସମ୍ବଲପୁର, ଭୀମସାର, ଏସଡିବି ଓ ଭୁବନେଶ୍ୱରରେ ସଂକ୍ରମଣକୁ ଦେଖି ଆଇସିୟୁ ଓ ବେଡ ବ୍ୟବସ୍ଥା କରାଯାଉଛି । ଷ୍ଟଡି କହୁଛି ପ୍ଳାଜମା ଏତେଟା ଫଳପ୍ରଦ ହେଉନି । ଏବେବି ପ୍ଳାଜମା ଥେରୋପି ଚାଲିଛି । ହେଲେ ଯେଉଁଟା ଫଳପ୍ରଦ ହେଉନି ତାହା ଉପରେ ଫୋକସ ନକରି ଯେଉଁଟା ଫଳପ୍ରଦ ହେଉଛି ସେଠି ଫୋକସ କରାଯିବ ଆବଶ୍ୟକ । ସୁନ୍ଦରଗଡ଼ରେ ସଂକ୍ରମଣ ଅଧିକ ଥିଲା ଏବେ କମୁଛି । କଟକ ଓ ଖୋର୍ଦ୍ଧା ମାଇଗ୍ରେଟେଡ ସ୍ଥାନ ହୋଇଥିବାରୁ ଅଧିକ ଥିଲା ରହିବ । ରାଜ୍ୟରେ ସଂକ୍ରମଣ ଟ୍ରେଣ୍ଡ ଖସୁଛି ବୋଲି ଚୁପ ରହିବା ନାହିଁ । ଯେଉଁ ବୟସ ଗୃପକୁ ଟିକାକରଣ ହୋଇନି କିପରି କରିହେବ ତାହା ଉପରେ ଫୋକସ ରହିବ ।