ଭୁବନେଶ୍ୱର, (ବାଘୁଆବାର୍ତ୍ତା): ସ୍ପେସାଲ ସ୍କ୍ୱାର୍ଡ ପଞ୍ଝାରେ ବନ୍ଧୁକ ବେପାରୀ । ଜବତ ହେଲା ୫ଟି ରିଭଲବର ଓ ୨୦ ରାଉଣ୍ଡ ଅଫୁଟା ଗୁଳି । ଏହି ଘଟଣାରେ ଚନ୍ଦନ ପ୍ରଧାନ ନାମକ ଜଣେ ଯୁବକକୁ ଗିରଫ କରିଛି କମିଶନରେଟ ପୋଲିସ । ରାଜଧାନୀ ଭୁବନେଶ୍ୱରରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି । ସୂଚନା ମୁତାବକ, ଚନ୍ଦନ ପ୍ରଧାନ ନାମକ ଜଣେ ଯୁବକ ୨୦୨୩ ଜୁଲାଇ ୧୫ ତାରିଖରେ ଖୋର୍ଦ୍ଧାର ସୋମନାଥ ହତ୍ୟା ମାମଲାରେ ଜେଲ ଯାଇ ଜାମିନରେ ଆସିଥିଲା । ବାହାରକୁ ଆସି ବନ୍ଧୁକ ବେପାରର କରୁଥିଲା । ଏନେଇ ଖବର ପାଇବା ପରେ ଚନ୍ଦନ ପ୍ରଧାନକୁ ଗିରଫ କରିଛି କମିଶନରେଟ ପୋଲିସ । ଚନ୍ଦନ ନିକଟରୁ ୫ଟି ରିଭଲବର ଓ ୨୦ ରାଉଣ୍ଡ ଅଫୁଟା ଗୁଳି ମଧ୍ୟ ଜବତ କରାଯାଇଛି ।
