କୋରାପୁଟ, (ବାଘୁଆବାର୍ତ୍ତା): ଚୋରାଚାଲାଣ ହେଉଥିଲା ଗଞ୍ଜେଇ । ମାଡ଼ି ବସିଲା ଜିଆରପି । ଜଣେ ନାବାଳିକା ସହ ସୁନ୍ଦରୀ ମହିଳା ଓ ଯୁବକ ଗିରଫ । କୋରାପୁଟ ରେଳ ଷ୍ଟେସନରେ ଦେଖିବାକୁ ମିଳିଛି ଏଭଳି ଘଟଣା । ସୂଚନାଯୋଗ୍ୟ ଯେ, କୋରାପୁଟ ରେଳ ଷ୍ଟେସନରେ କୋରାପୁଟରୁ ଉତ୍ତରପ୍ରଦେଶ ଗଞ୍ଜେଇ ଚୋରାଚାଲାଣ ବେଳେ ମାଡ଼ି ବସିଲା ଜିଆରପି । ଦୁଇଟି ପୃଥକ ପୃଥକ ଘଟଣାରେ ଚୋରାଚାଲାଣ ହେଉଥିବା ୩୦ କିଲୋ ଗଞ୍ଜେଇ ଜବତ କରାଯାଇଛି । ଘଟଣାରେ ଜଣେ ନାବାଳିକାଙ୍କ ସହ ଦୁଇ ଜଣକୁ ଗିରଫ କରିଛି ପୋଲିସ । କୋରାପୁଟରୁ ଉତ୍ତରପ୍ରଦେଶକୁ ଗଞ୍ଜେଇ ଚୋରାଚାଲାଣ କରୁଥିଲେ ଜଣେ ନାବାଳିକା ସହ ସୁନ୍ଦରୀ ମହିଳା । ହାତରେ ଥିଲା ଦାମୀ ଟ୍ରଲି ବ୍ୟାଗ୍ । ସୋମବାର ସକାଳୁ କୋରାପୁଟ ଷ୍ଟେସନରେ ସମଲେଶ୍ଵରୀ ଟ୍ରେନ୍ରେ ଚଢ଼ିବା ସମୟରେ ବିଶ୍ଵସ୍ତ ସୂତ୍ରରୁ ଖବର ପାଇ ଅଟକାଇଥିଲା ଜିଆରପି ଓ ଆରପିଏଫ । ବ୍ୟାଗ୍ ଖୋଲିବାରୁ ମିଳିଥିଲା ଗଞ୍ଜେଇ । ତୁରନ୍ତ ଜିଆରପି ଥାନାକୁ ନେଇ ଅଧିକ ପଚରା ଉଚୁରା କରିଥିଲା ପୋଲିସ । ସେହିଭଳି ବିଶାଖାପାଟଣା ଟ୍ରେନ୍ରୁ ମଧ୍ୟ ଏକ ଯୁବକକୁ ସନ୍ଦେହରେ ଯାଞ୍ଚ କରିବାରୁ ୧୦ କିଲୋ ଗଞ୍ଜେଇ ଚୋରାଚାଲାଣ କରୁଥିବା ଦେଖିବାକୁ ମିଳିଥିଲା । କୋରାପୁଟ ଜିଆରପି ଥାନାରେ ଏନେଇ ଦୁଇଟି ପୃଥକ ପୃଥକ ମାମଲା ରୁଜୁ କରି କୋର୍ଟ ଚାଲାଣ କରାଯିବ ବୋଲି ଜିଆରପି ଥାନା ଅଧିକାରୀ ସନ୍ତୋଷୀ ମହନ୍ତ କହିଛନ୍ତି ।
