ରାୟଗଡ଼ା, (ବାଘୁଆବାର୍ତ୍ତା): ଚୋରୀ ହୋଇଥିବବା ନେଇ ଥାନାରେ ମାମଲା ରୁଜୁ ହେଲା । ପୁଲିସ୍ ତଦନ୍ତ ଆରମ୍ଭ କରିଥିଲା । ହେଲେ ଯିଏ ଅଭିଯୋଗ କରିଥିଲା ତାକୁ ତଦନ୍ତ ପରିସର ଭୁକ୍ତ କଲା ପୁଲିସ୍ । ତେବେ ପୁଲିସର ତଦନ୍ତରେ ସତ ଓଗାଳିଲା ଅଭିଯୋଗକାରୀ । ଥାନାକୁ ଅଭିଯୋଗ ଆଣିଥିବା ବ୍ୟକ୍ତି ଚୋରୀ ହୋଇଥିବାର ବ୍ଲୁ ପ୍ରିଣ୍ଟ ବିଷୟରେ ପୁଲିସ୍ ଆଗରେ ସତ ଓଗାଳିକା । ଏଭଳି ଘଟଣା ହୋଇଛି ରାୟଗଡ଼ା ସଦର ଥାନା ଅଞ୍ଚଳରେ । ତେବେ ପୁଲିସ୍ ଅଭିଯୋଗକାରୀଙ୍କ ଘରୁ ୨୪ଲକ୍ଷ ଟଙ୍କା ଓ ସୁନା ଅଳଙ୍କାର ଜବତ କରିବା ସହ ଅଭିଯୋଗକାରୀକୁ ଗିରଫ୍ କରିଥିବା ଜଣାପଡିଛି । ସୂଚନାନୁସାରେ, ରାୟଗଡ଼ା ରୟତ କଲୋନୀର ଷଷ୍ଠ ଲାଇନରେ ରହୁଥିବା ବି. ବିଶ୍ୱ ଗଣପତି ଶର୍ମା ଓ ତାଙ୍କ ମା ଆନ୍ଧ୍ର ଯାଇଥିବା ବେଳେ କେହି ତାଙ୍କ ଘରେ ପଶି ୩୦ ଲକ୍ଷ ଟଙ୍କା ଓ ୧୦ ଭରି ସୁନା ଚୋରୀ ହୋଇଥିବା ନେଇ ସଦର ଥାନାରେ ଅଭିଯୋଗ କରିଥିଲେ ।
