ନୟାଗଡ଼, (ବାଘୁଆବାର୍ତ୍ତା): ଖଣ୍ଡପଡ଼ାରେ ଲଜ୍ଜ୍ୟା । ନାବାଳିକା ଦୁଷ୍କର୍ମ ଉଦ୍ୟମ କରିବା ନେଇ ଥାନାରେ ମାମଲା । ନାବାଳିକାକୁ ଦୁଷ୍କର୍ମ ଉଦ୍ୟମ କରିବା ପଡିଲା ମହଙ୍ଗା । ଅଭିଯୁକ୍ତକୁ ଗିରଫ୍ କରି ଆଜି କୋର୍ଟ ଚାଲାଣ କରାଯାଇଥିବା ଜଣାପଡିଛି । ସୂଚନାନୁସାରେ, ଖଣ୍ଡପଡ଼ା ଥାନା ଅଞ୍ଚଳର ଜଣେ ୧୩ବର୍ଷିୟା ନାବାଳିକା ଗତକାଲି ସଂନ୍ଧ୍ୟାରେ ଘର ନିକଟରେ ଥିବା ପୋଖରୀକୁ ଶୌଚ ସାରି ଘରକୁ ଫେରୁଥିବା ବେଳେ ଏକୁଟିଆ ଯାଉଥିବାର ଦେଖି ଉକ୍ତ ଗାଁର ସନେଇ ଖୁଣ୍ଟିଆଙ୍କ ପୁଅ ସୁବାସ ଖୁଣ୍ଟିଆ(୩୦) ନାବାଳିକାର ପାଟି ଚାପି ଧରି ପାଖରେ ଥିବା କଦଳୀ ଗଛ ବୁଦାମୁଳକୁ ଟେକି ନେଇ ଯୋର ଜବରଦସ୍ତି ଦୁଷ୍କର୍ମ ଉଦ୍ୟମ କରୁଥିବା ବେଳେ ନାବାଳିକା ଜଣକ ଚିକ୍ରାର କରିଥିଲା । ନାବାଳିକାର ଚିକ୍ରାର ଶୁଣି ସ୍ଥାନୀୟ ଲୋକମାନେ ଆସିବାରୁ ଅଭିଯୁକ୍ତ ଜଣକ ନାବାଳିକାକୁ ଛାଡି ଫେରାର ହୋଇଯାଇଥିଲା । ନାବାଳିକା ଜଣକ ଜୋର ଜବରଦସ୍ତି ସମୟରେ ଆହାତ ହୋଇଥିବା ଜଣାପଡିଛି । ଆହାତ ହୋଇ ନାବାଳିକା ଜଣକ ଘରକୁ ଆସି ସବୁ କଥା କହିବା ପରେ ନାବାଳିକାର ମାଆ ଖଣ୍ଡପଡ଼ା ଥାନାରେ ଅଭିଯୋଗ କରିଥିଲା । ଅଭିଯୋଗକୁ ଭିତ୍ତି କରି ଖଣ୍ଡପଡ଼ା ଥାନାରେ କେସ ନଂ ୯୦/୨୧ରେ ମାମଲା ଋଜୁ କରି ଖଣ୍ଡପଡ଼ା ଥାନା ଅଧିକାରୀ ବିଶ୍ୱଜିତ୍ ରାଉତରାୟ ତଦନ୍ତ କରିବା ପାଇଁ ଉପ ଆରକ୍ଷୀ ନିରୀକ୍ଷକ ଶ୍ରଦ୍ଧା ନାୟକଙ୍କୁ ଦାୟୀତ୍ୱ ଦେଇଥିଲେ । ତେବେ ଉପ ଆରକ୍ଷୀ ନିରୀକ୍ଷକ ଶ୍ରଦ୍ଧା ଅଭିଯୋଗର ତଦନ୍ତ କରି ଅଭିଯୁକ୍ତ ଗିରଫ କରିବାରେ ସଫଳ ହୋଇଥିଲେ । ଆଜି ଅଭିଯୁକ୍ତ ସୁବାସ ଖୁଣ୍ଟିଆକୁ କୋର୍ଟ ଚାଲାଣ କରାଯାଇଥିବା ନେଇ ସୂଚନା ମିଳିଛି ।
