ମୁମ୍ବାଇ (ବାଘୁଆବାର୍ତ୍ତା): ସ୍ୱାମୀଙ୍କୁ ଚାପୁଡା ମାରିଲେ ଅଭିନେତ୍ରୀ । ଟ୍ରିକ ଶିଖାଉ ଶିଖାଉ ହଠାତ ମାରିଦେଲେ ଚାପୁଡା । ଏହାପରେ ରାଗିଗଲେ ସ୍ୱାମୀ । ବସିଥିବା ଚେଆରରୁ ଉଠି ଚାଲିଗଲେ । ଲୋକପ୍ରିୟ ଟେଲିଭିଜନ ଅଭିନେତ୍ରୀ ଅନିତା ହସନନ୍ଦାନି । ସେ ସୋଶିଆଲ ମିଡିଆରେ ବେଶ ସକ୍ରିୟ । ନିକଟରେ ସେ ମା’ ହେବା ପରଠାରୁ ନିଜ ପୁଅ ସମୟ ବିତାଉଛନ୍ତି । ସେ ନିଜ ଇନଷ୍ଟଗ୍ରାମରେ ପ୍ରାୟତଃ ଏବେ ନିଜ ପୁଅ ଏବଂ ସ୍ୱାମୀ ରୋହିତ ସେଟ୍ଟିଙ୍କ ସହ ଫଟୋ ଏବଂ ଭିଡିଓ ସେଆର କରନ୍ତି । ନିକଟରେ ଏଭଳି ହିଁ ଏକ ଭିଡିଓ ସେଆର କରିଛନ୍ତି ଅନିତା । ଯେଉଁଥିରେ ସେ ନିଜ ସ୍ୱାମୀଙ୍କୁ ଚାପୁଡା ମାରୁଥିବାର ଦୃଶ୍ୟ ଦେଖିବାକୁ ମିଳିଛି । ଅନିତା ଚାପୁଡା ମାରିବା ପରେ ରୋହିତ ମଧ୍ୟ ଏହାର ପ୍ରତିଶୋଧ ନେବେ ବୋଲି କହିଛନ୍ତି । ତାଙ୍କର ଏହି ଭିଡିଓ ଏବେ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓକୁ ସେଆର କରି ଅନିତା ଏହି ଟ୍ରିକକୁ ଘରେ ଟ୍ରାୟ କରିବା ପାଇଁ ନିଜ ପ୍ରଶଂସକଙ୍କୁ କହିଛନ୍ତି । ଏଥିସହ ଏହି ଟ୍ରିକ ସ୍ତ୍ରୀ ମାନଙ୍କୁ ପସନ୍ଦ ଆସିବ ବୋଲି ସେ କହିଛନ୍ତି । ସେପଟେ କେତେକ ୟୁଜର୍ସଙ୍କୁ କିନ୍ତୁ ତାଙ୍କର ଏହି ଭିଡିଓ ପସନ୍ଦ ଆସିନାହିଁ । ଅନେକ ୟୁଜର୍ସ ସ୍ୱାମୀଙ୍କୁ ଚାପୁଡା ମାରିବା ନେଇ ତାଙ୍କୁ ଟ୍ରୋଲ କରିଛନ୍ତି । ଏଭଳି ଭିଡିଓ ସେଆର କରି ଅନିତା ନିଜ ସ୍ୱାମୀଙ୍କୁ ଅପମାନିକ କରିଥିବା ୟୁଜର୍ସମାନେ କହିଛନ୍ତି । ସୋଶିଆଲ ମିଡିଆରେ ଏଭଳି ଭିଡିଓ ପୋଷ୍ଟ କରିବା ଉଚିତ ନୁହେଁ ବୋଲି କହିଛନ୍ତି । ସୂଚନା ମୁତାବକ ଅନିତା ଏବଂ ରୋହିତ ୨୦୧୩ରେ ବିବାହ କରିଥିଲେ । ପରେ ୨୦୨୧ରେ ସେ ପ୍ରଥମଥମର ପାଇଁ ମା’ ହୋଇଥିଲେ । ଅନିତା ଦୀର୍ଘ ଦିନ ଧରି ଟିଭି ଇଣ୍ଡଷ୍ଟ୍ରିରେ କାମ କରି ଆସିଛନ୍ତି ।
