ନୟାଗଡ଼,(ବାଘୁଆବାର୍ତ୍ତା): ଲକ୍ ଡାଉନ୍ ପ୍ରଭାବରେ ଗାଡ଼ି ମୋଟର ଚଳାଚଳ ସଂମ୍ପୂର୍ଣ୍ଣ ବନ୍ଦ ରହିଥିବା ଏବଂ କରୋନା ଭୟବହତା ଦୁର୍ଦ୍ଦଶାର ଚିତ୍ର ଆଜି ନୟାଗଡ଼ ସହରରେ ଦେଖିବାକୁ ମିଳିଛି । ସୂଚନାନୁସାରେ, ଆନ୍ଧ୍ରପ୍ରଦେଶରୁ ଆଜି ୬ ଜଣ ଯୁବକ ନୟାଗଡ଼ ସହରରେ ସାଇକେଲରେ ନେଇ ଯାଉଥିବା ଦେଖାଯାଇଛି । ଏନେଇ ତାଙ୍କୁ ପଚାରିବାରେ ସେମାନେ ଆନ୍ଧ୍ରରେ କାମ କରୁଥିବା ବେଳେ ଲକ୍ ଡାଉନ୍ କାରଣରୁ କାମ ବନ୍ଦ ହୋଇଯିବା ସହ ମାଲିକ ଖାଇବା ଦେବା ବନ୍ଦ କରି ଦେଇଥିବା କହିଛନ୍ତି । ଫଳରେ ସମସ୍ତେ ଗୋଟିଏ ଗୋଟିଏ ନୂଆ ସାଇକେଲ କିଣି ଆନ୍ଧ୍ରରୁ ଉତ୍ତରପ୍ରଦେଶ ଅଭିମୂଖେ ଯାଉଛନ୍ତି । ରାତି ୯ ଘଟିକା ବେଳକୁ ସେମାନେ ନୟାଗଡ଼ରେ ପହଂଚି ପୁରୁଣା ବସଷ୍ଟାଣ୍ଡଠାରେ କ୍ଲାନ୍ତ ମେଣ୍ଟାଉଥିବା ଦେଖିବାକୁ ମିଳିଛି । ସାଙ୍ଗରେ କିଛି ଖାଦ୍ୟ ପଦାର୍ଥ ଓ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଧରି ଯାଉଥିବା ଏହି ଯୁବକମାନେ ମୋବାଇଲ୍ ଗୁଗୁଲି ମ୍ୟାପର ସାହାର ନେଉଥିବା ଦେଖାଯାଇଛି । ରାସ୍ତା ଜାଣିବା ପାଇଁ ସାଇକେଲ୍ ହ୍ୟାଣ୍ଡରରେ ମୋବାଇଲ୍ ବାନ୍ଧି ସେମାନେ ବାଟ ଅତିକ୍ରମ କରୁଥିବା ଜଣାଯାଇଛି । କିଛି ସହୃଦୟ ବ୍ୟକ୍ତି ଆଜି ତାଙ୍କୁ ପୁରୁଣା ବସଷ୍ଟାଣ୍ଡଠାରେ ଖାଦ୍ୟ ଓ ପାନୀୟ ପ୍ରଦାନ କରିଥିବା ଜଣାଯାଇଛି ।
