ନୂଆଦିଲ୍ଲୀ,(ବାଘୁଆବାର୍ତ୍ତା): ବିନା ଅନୁମତିରେ ଆମେରିକାର ନୌସେନା ଭାରତୀୟ ଜଳରାଶିରେ ପ୍ରବେଶ କରି ଅପେରେସନ କରିଛି । ଆମେରିକା ନୌସେନା ଚଳିତ ସପ୍ତାହରେ ଯବାନମାନେ ‘ଫ୍ରିଡମ ଅଫ ନାଭିଗେସନ ପ୍ୟାଟ୍ରୋଲ୍ସ’ ନିକଟରେ ଥିବା ଇଣ୍ଡିଆନ୍ ଏକ୍ଲୁଜିଭ୍ ଇକୋନୋମିକ୍ ଜୋନ୍ (ଇଇଜେଡ୍) ରେ କରିଛି । ଆମେରିକା ନୌସେନା ଇଇଜେଡରେ ଅପରେସନ୍ କରିଥିଲେ ହେଁ ଏହା ପୂର୍ବରୁ ଭାରତ ଠାରୁ କୌଣସି ପ୍ରକାଣର ଅନୁମତି ନେଇନାହିଁ । ଆମେରିକା ନୌସେନା ସବୁବେଳେ ଦକ୍ଷିଣ ଚାଇନା ସାଗରରେ ଏଭଳି ଅପରେସନ କରିଥାଏ । ଏହି ଅଞ୍ଚଳରେ ଚାଇନା ଦିନକୁ ଦିନ ନିଜର ଦବଦବା ଦେଖାଉଥିବାରୁ ଆମେରିକା ନୌସେନା ଏଠାରେ ପେଟ୍ରୋଲିଂ କରୁଛି । ଆମେରିକା କାହିଁକି ବିନା ଅନୁମତିରେ ଭାରତର ଇଇଜେଡ୍ରେ ପ୍ରବେଶ କଲା ଓ ପେଟ୍ରୋଲିଂ, ତା’କୁ ନେଇ ପ୍ରଶ୍ନ ଉଠିବା ଆରମ୍ଭ ହୋଇଛି । ଭାରତ ପକ୍ଷରୁ ଏଯାଏ ଏହା ଉପରେ କୌଣସି ପ୍ରତିକ୍ରିୟା ମିଳିନାହିଁ ।
