ବିମାନରେ ଚୁମ୍ବନ ମାରିବା ହେଲା ମହଙ୍ଗା, ଆପଣ କିଏ ଆମକୁ କହିବାକୁ, କମ୍ବଳ ଦେଲେ ଏୟାରହୋଷ୍ଟେସ

ଇସଲାମାବାଦ (ବାଘୁଆବାର୍ତ୍ତା): ପାକିସ୍ତାନର ଏକ ଯାତ୍ରୀବାହୀ ବିମାନରେ ଘଟିଲା ଆଶ୍ଚର୍ଯ୍ୟ ଜନକ ଘଟଣା କରାଚି ସହରରୁ ଇସଲାମାବାଦ ଯାଉଥିବା ଏକ ଦମ୍ପତ୍ତି ପ୍ରେମରେ ଏତେ ଭାବ ବିହ୍ୱଳ ହୋଇଯାଇଥିଲେ ଯେ ସେମାନେ ମଝି ଆକାଶରେ ଚୁମ୍ବନ କରିବାକୁ ଲାଗିଥିଲେ । ପାକିସ୍ତାନୀ ଦମ୍ପତ୍ତି ବିମାନ ଭିତରେ ଏଭଳି ଚୁମ୍ବନ କରିବା ପରେ ପାଖରେ ବସିଥିବା ଯାତ୍ରୀମାନେ ଭୀଷଣ ରାଗିଯାଇଥିଲେ । ସେମାନେ ଏହାକୁ ବିରୋଧ କରିବାକୁ ଲାଗିଥିଲେ । ପରିସ୍ଥିତି ଏମିତି ହେଲା ଯେ, ଶେଷରେ ଏୟାର ହୋଷ୍ଟେସ ସେମାନଙ୍କୁ କମ୍ବଳ ଦେବାକୁ ପଡିଥିଲା । ପାକିସ୍ତାନୀ ଖବରକାଗଜ ଏକ୍ସପ୍ରେସ ଟ୍ରିବ୍ୟୁନ ଅନୁଯାୟୀ, ମେ’୨୦ ତାରିଖରେ ଏୟାର ବ୍ଳୁ କମ୍ପାନୀର ପିଏ-୨୦୦ ବିମାନର ଏଭଳି ଲଜ୍ଜାଜନକ ଘଟଣା ଘଟିଥିଲା । ପ୍ରତ୍ୟକ୍ଷଦର୍ଶୀମାନେ କହିଥିଲେ ଯେ, ଚତୁର୍ଥ ଧାଡିରେ ବସିଥିବା ଦମ୍ପତ୍ତି ପ୍ରଥମେ ଚୁମ୍ବନ ଦେବା ଆରମ୍ଭ କରିଥିଲେ । ଏହାପରେ ସେଠାରେ ବସିଥିବା ଅନ୍ୟ ଯାତ୍ରୀମାନେ ଏହି ଦମ୍ପତ୍ତିଙ୍କୁ ଏପରି କରିବା ବନ୍ଦ କରିବାକୁ ଏୟାର ହୋଷ୍ଟେସଙ୍କୁ ଅନୁରୋଧ କରିଥିଲେ । ଏୟାର ହୋଷ୍ଟେସଙ୍କ ଅନୁରୋଧକୁ ଏହି ଦମ୍ପତ୍ତି ଧ୍ୟାନ ଦେଇନଥିଲେ । ଏହାପରେ ଏୟାର ହୋଷ୍ଟେସ ଉପାୟଶୂନ୍ୟ ହୋଇ ଏହି ଦମ୍ପତ୍ତିଙ୍କୁ ଏକ କମ୍ବଳ ଦେଇଥିଲେ । ଏହାଦ୍ୱାରା ସେମାନେ କମ୍ବଳ ଭିତରେ ଯାହା କରିବେ । ଯାତ୍ରୀମାନେ କହିଥିଲେ ଯେ, ସେମାନେ ମଧ୍ୟ ଏହି ଦମ୍ପତ୍ତିଙ୍କୁ ଅଟକାଇବାକୁ ଚେଷ୍ଟା କରିଥିଲେ କିନ୍ତୁ ସେମାନେ ଶୁଣିନଥିଲେ । ଓଲଟା ସେମାନେ ଉତକ୍ଷିପ୍ତ ହୋଇଉଠିଥିଲେ । ଦମ୍ପତ୍ତି କହିଥିଲେ ଯେ, ଆପଣ କିଏ, ଆମକୁ ଏହା କହିବାକୁ ? ମାମଲାର ତଦନ୍ତ ଆରମ୍ଭ ହୋଇଛି । ଏହି ଘଟଣାକୁ ନେଇ ପାକିସ୍ତାନୀ ସୋସିଆଲ ମିଡିଆରେ ହଇଚଇ ସୃଷ୍ଟି ହୋଇଛି ।