ଭଗବତୀପ୍ରସାଦରେ ଅଗ୍ନିକାଣ୍ଡ

ଓଡ଼ଗାଁ, (ବାଘୁଆବାର୍ତ୍ତା) : ଓଡ଼ଗାଁ ଥାନା ଅନ୍ତର୍ଗତ ଭଗବତୀପ୍ରସାଦ ଗ୍ରାମ ଗୋଲାସାହିରେ ଆଜି ଏକ ଅଭାବନୀୟ ଘଟଣା ଘଟିଛି । ଏହି ଗ୍ରାମର ବାଉରିଆ ପାତ୍ରଙ୍କ ଘରେ ନିଆଁ ଲାଗି ୨ବଖରା ଚାଳଘର ସହିତ ସମସ୍ତ ଆସବାବପତ୍ର ପୋଡି ପାଉଁଶ ହୋଇଯାଇଛି । ବାଉରିଆ ପାତ୍ର ପରିବାର ମଧ୍ୟାନ୍ନ ସମୟରେ ଘରେ ବିଶ୍ରାମ ନେଉଥିବା ବେଳେ ହଠାତ୍ ଘରେ ନିଆଁ ଲାଗିଥିବା ଦେଖିବାକୁ ମିଳିଥିଲା । ଖବର ପାଇ ଓଡ଼ଗାଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚି ଅଗ୍ନିକାଣ୍ଡକୁ ନିୟନ୍ତ୍ରଣ କରିଥିଲେ । ସମୁଦାୟ ୨ବଖରା ଘର ପୋଡି ପାଉଁଶ ହୋଇ ଯାଇଥିବାରୁ ବର୍ଷାଋତୁରେ ସେ ବାସହରା ହୋଇ ପଡିଛନ୍ତି । ତହସିଲ ପ୍ରଶାସନ ତରଫରୁ ଖୁବଶିଘ୍ର ତାଙ୍କୁ ସହାୟତା ଯୋଗାଇଦେବା ସହିତ ବ୍ଲକ ପ୍ରଶାସନ ତରଫରୁ ଆବାସ ଯୋଜନାରେ ସାମିଲ କରାଯିବାକୁ ଦାବି ହେଉଛି ।