ବାଲେଶ୍ୱର, (ବାଘୁଆବାର୍ତ୍ତା): ଅଗ୍ନି ପ୍ରାଇମ୍ କ୍ଷେପଣାସ୍ତ୍ରର ବିକଶିତ ସଂସ୍କରଣର ସଫଳ ପରୀକ୍ଷଣ ହୋଇଛି। ଶନିବାର ଭଦ୍ରକ ଜିଲ୍ଲା ଧାମରା ବ୍ଲକ ଅନ୍ତର୍ଗତ ହୁଇଲର ଦୀପର ୪ ନମ୍ବର ଲଞ୍ଚ୍ ପ୍ୟାଡରୁ ପୂର୍ବାହ୍ନ ୧୧ଟାରେ ପରୀକ୍ଷଣ କରାଯାଇଥିଲା । ଦୁଇ ସ୍ତର ଇଞ୍ଜିନ୍ ବିଶିଷ୍ଟ ଏହି କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା ୧୦୦୦ରୁ ୨୦୦୦ କି.ମି ରହିଛି। ଏହି ପରୀକ୍ଷଣ ସମୟରେ ପରମାଣୁ ସକ୍ଷମ ରଣନୀତିକ କ୍ଷେପଣାସ୍ତ୍ର ଅଗ୍ନି ପ୍ରାଇମରେ ଅନେକ ନୂଆ ବୈଶିଷ୍ଟ୍ୟ ଯୋଗ କରାଯାଇଛି। ପରୀକ୍ଷଣ ସମୟରେ ଡିଆରଡିଓର ସମସ୍ତ ଅଧିକାରୀ ଉପସ୍ଥିତ ଥିଲେ। ଅଗ୍ନି ପ୍ରାଇମ୍ ମିସାଇଲ୍ ସହିତ ଅନେକ ଜ୍ଞାନକୌଶଳ ଯୋଡିହୋଇଛି । ନିଜର ଟାର୍ଗେଟରେ କିପରି ସଠିକ୍ ଭାବେ ପହଞ୍ଚିପାରିବ । ସେଦିଗରେ ମଧ୍ୟ କାମ କରାଯାଇଛି । ଅଗ୍ନି ପ୍ରାଇମ୍ର ଓଜନ କମ୍ ହୋଇଥିବାରୁ ଏହାକୁ ବ୍ୟବହାର କରିବା ଅତି ସହଜ ହେବ । ତେବେ ଅଗ୍ନି ପ୍ରାଇମ୍ ମିସାଇଲ୍ର ସଫଳ ପରୀକ୍ଷଣ ନେଇ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଡିଆର୍ଡିଓକୁ ଶୁଭେଚ୍ଛା ଜଣାଇଛନ୍ତି ।
ଅଗ୍ନି ପ୍ରାଇମ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ
