ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବନଖଣ୍ଡ ଅନ୍ତର୍ଗତ ପଞ୍ଚରିଡ଼ା ବନାଞ୍ଚଳ ଗୋଚ୍ଛା ସଂରକ୍ଷିତ ଜଙ୍ଗଲରେ ଶୀକାରି ଗୁଳିରେ ଜଣେ ଆଦିବାସୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ସ୍ଥାନୀୟ ଲୋକଙ୍କଠାରୁ ମିଳିଥିବା ସୂଚନାନୁସାରେ ଗୋଚ୍ଛା ଗ୍ରାମର ହୀନ ପ୍ରଧାନ ଜଙ୍ଗଲକୁ ଯାଇଥିବା ବେଳେ କିଛି ଶୀକାରିଙ୍କ ଗୁଳି ତାଙ୍କ ଦେହରେ ବାଜିଥିଲା । ଜଙ୍ଗଲ ଭିତରେ ହୀନଙ୍କ ମୃତ୍ୟୁ ହୋଇଛି । ସ୍ଥାନୀୟ ଶରଣକୁଳ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ଛାନଭିନ୍ କରୁଥିବା ଜଣାପଡ଼ିଛି । ଏହି ଘଟଣାକୁ ଚପାଇ ଦେବାକୁ ଜୋରଦାର ଉଦ୍ୟମ ଚାଲିଛି । ଅଭିଯୁକ୍ତ ଶୀକାରି ଜଣେ ବିଜେପି କର୍ମୀ ହୋଇଥିବାରୁ ସ୍ଥାନୀୟ ନେତୃତ୍ୱ ଏହି ମାମଲାକୁ ରଫାଦଫା କରିବାକୁ ଉଦ୍ୟମ ଚଳାଇଥିବା ଆଲୋଚନା ହେଉଛି ।
