ନୟାଗଡ଼, (ବାଘୁଆବାର୍ତ୍ତା) : କୃଷକ ଭବନରେ ଓଡ଼ିଶା ବିଶ୍ୱବିଦ୍ୟାଳୟ ଅନୁସନ୍ଧାନ ଏବଂ ଅଭିନବୀକରଣ ପ୍ରୋତ୍ସାହନ ଯୋଜନାରେ ଯୁବ ଗବେଷକମାନଙ୍କୁ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଅନେକ ବିକାଶ ମୂଳକ ବକ୍ତବ୍ୟ ରଖିଛନ୍ତି । ବିକାଶ ଶୀଳ ରାଷ୍ଟ୍ର ଆମେରିକା, ଫ୍ରାନ୍ସ, ଚିନ ଦେଶ ଗୁଡ଼ିକ ଘରୋଇ ଜିଡିପିର ୨.୨୫ ଅଧିକ ଅର୍ଥ ଗବେଷଣା ନିମନ୍ତେ ଖର୍ଚ୍ଚ କରୁଛନ୍ତି, କିନ୍ତୁ ଭାରତ ବର୍ଷରେ ଜିଡିପିର ୦.୬୨ ପ୍ରତିଶତ ଗବେଷଣା ଖର୍ଚ୍ଚ କରାଯାଉଛି । ଯେଉଁଥିପାଇଁ କି ଭାରତ ବର୍ଷରେ କମ ସଂଖ୍ୟକ ଲୋକ ଗବେଷଣା କାର୍ଯ୍ୟରେ ନିୟୋଜିତ ରହୁଛନ୍ତି । ଆମେ ଯେତେ ଗବେଷଣା କରିବା ଅଧିକ ଅର୍ଥ ବ୍ୟୟ କରିବା ତାହା ହେଲେ ରାଜ୍ୟ ତଥା ଦେଶ ସେତିକି ସମୃଦ୍ଧ ହେବ । ସିଡ୍ ଫଣ୍ଡି ଓ ରିସର୍ଚ୍ଚ ଫୋଲେସିପ୍ ପ୍ରଦାନ ଅବସରରେ ମନ୍ତ୍ରୀ ଏଭଳି ମନ୍ତବ୍ୟ ରଖିଛନ୍ତି । ଏହା ସହିତ ବିଶ୍ୱ ବିଦ୍ୟାଳୟ ସ୍ତରରେ ଅଧିକରୁ ଅଧିକ ଅର୍ଥ ପ୍ରୋତ୍ସାହର ଆବଶ୍ୟକତା ରହିଛି ବୋଲି କହିଛନ୍ତି । ଏହି ପ୍ରରିପ୍ରେକ୍ଷିରେ ଉଚ୍ଚ ଶିକ୍ଷା ବିଭାଗର ଶାସନ ସଚିବ ଶାଶ୍ୱତ ମିଶ୍ର କହିଥିଲେ ଓଡ଼ିଶା ଏକମାତ୍ର ରାଜ୍ୟ ଯେଉଁ ରାଜ୍ୟ ସିଧାସଳଖ ଗବେଷଣା ପାଇଁ ଆର୍ଥିକ ସହାୟତା ପ୍ରଦାନ କରୁଛି । ରାଜ୍ୟ ସରକାର ଏବର୍ଷ ଦୁଇକୋଟି ଟଙ୍କା ପ୍ରଦାନ କରିଛନ୍ତି । ଏଥିରେ ରାଜ୍ୟ ଉଚ୍ଚଶିକ୍ଷା ପରିଷଦର ଉପାଧ୍ୟକ୍ଷ ପ୍ରଫେସର୍ ଅଶୋକ ଦାଶ ପ୍ରମୂଖ ଉପସ୍ଥିତ ରହିଥିଲେ ।
