ଖୋର୍ଦ୍ଧା, (ବାଘୁଆବାର୍ତ୍ତା): ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ଗୁରୁଜଙ୍ଗ ହଳଦିଆ ରାସ୍ତାରୁ ପଶ୍ଚିମ ବଙ୍ଗର ୨ ନିଶା ମାଫିଆ ଗିରଫ। ଖୋର୍ଦ୍ଧା ପୋଲିସ ବିଶ୍ଵସ୍ତ ସୂତ୍ରରୁ ଖବର ପାଇ ନିଶା ମାଫିଆକୁ ପିଛା କରି ଧରିବାରେ ସଫଳ ହୋଇଛି। ଗିରଫ ବ୍ୟକ୍ତି ହେଲେ ମହମ୍ମଦ ରହିମ ଏବଂ ଆସିଫ ଖାଁ। ସେମାନଙ୍କ ଠାରୁ ୩୧୦ଗ୍ରାମ ବ୍ରାଉନସୁଗର ଜବତ କରାଯାଇଛି। ଏହି ଘଟଣାରେ ଆହୁରି ୪ଜଣଙ୍କୁ ପୋଲିସ୍ ଗିରଫ କରିବ ବୋଲି ସୂଚନା ଦେଇଛି। ଏକ ବଜାଜ ପଲସର ବାଇକ୍ ଯୋଗେ ହଳଦିଆ ପଟୁ ଖୋର୍ଦ୍ଧାକୁ ଆସୁଥିବା ବେଳେ ୨ ମାଫିଆ ପୋଲିସ ହାବୁଡ଼ରେ ପଡ଼ିଥିଲେ। ଗିରଫ ନିଶା ମାଫିଆ ନୂଆ କରି ବେପାର ଚଳାଇବା ସମୟରେ ଧରାପଡିଥିବା ଜଣାପଡ଼ିଛି।





