ଭଞ୍ଜନଗର, (ବାଘୁଆବାର୍ତ୍ତା): ଘାଟି ତଳକୁ ଖସିଲା ମାଲ୍ ବୋଝେଇ ପିକଅପ ଭ୍ୟାନ୍ । ଗାଡ଼ି ଭିତରେ ଚାପି ହୋଇ ରହିଗଲେ ଡ଼୍ରାଇଭର । ଗାଡ଼ିକୁ କାଟି ଡ୍ରାଇଭରଙ୍କୁ ଉଦ୍ଧାର କଲେ ଅଗ୍ନିଶମ କର୍ମଚାରୀ । ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ସୋରଡ଼ା ଥାନା ଦାରିଙ୍ଗିବାଡ଼ି ଘାଟିରେ ବଡ଼ ପଥର ବୁଲାଣି ଠାରେ ଭାରସାମ୍ୟ ହରାଇ ଓଲଟିଲା ପିକଅପ ଭ୍ୟାନ୍ । ଦୁର୍ଘଟଣାରେ ଦୁଇ ଜଣ ଗୁରୁତର ହୋଇଛନ୍ତି । ଗୁରୁତର ଦୁଇ ଜଣ ହେଲେ ସୋନୁ ମେଶରମ୍ ଓ ଅରୁଣ ମେଶରମ । ଖବର ପାଇ ସୋରଡ଼ା ଅଗ୍ନିଶମ ବିଭାଗ ଓ ସୋରଡ଼ା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଜଣକୁ ଉଦ୍ଧାର କରିଥିବା ବେଳେ ଅନ୍ୟ ଜଣେ ଗାଡ଼ି ଭିତରେ ଚାପି ହୋଇ ରହିଥିଲେ । ଗାଡ଼ିକୁ କାଟି ଉକ୍ତ ଡ୍ରାଇଭରକୁ ଉଦ୍ଧାର କରାଯାଇଛି । ତେବେ ରାୟପୁରରୁ ଟ୍ରାକ୍ଟର ଲଙ୍ଗଳ ବୋଝେଇ କରି ଗଞ୍ଜାମ ଆସୁଥିବା ଥିବାବେଳେ ଏପରି ଘଟିଛି । ତେବେ ଉଭୟଙ୍କ ଘର ରାୟପୁର ବୋଲି ଜଣାପଡିଛି । ଉଭୟଙ୍କୁ ସୋରଡ଼ା ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ସୋରଡା ପୋଲିସ ପହଞ୍ଚି ତଦନ୍ତ କରୁଛି ।
