ନୟାଗଡ଼, (ବାଘୁଆବାର୍ତ୍ତା): ଆଜି ମଧ୍ୟାହ୍ନରେ ନୟାଗଡ଼ ଟ୍ରାଫିକ ଛକଠାରେ ବଡ଼ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଏକ ଦୋକାନ ଘର ଭାଙ୍ଗିବା ସହିତ ଅନେକ ଲୋକ ବର୍ତି ଯାଇଛନ୍ତି । ସୁଚନାନୁସାରେ ଆଜି ମଧ୍ୟାହ୍ନରେ ଏକ ଗହମ ବୋଝେଇ ଟ୍ରକ କଳାହାଣ୍ଡି କେସିଙ୍ଗାରୁ କଟକ ଅଭିମୁଖେ ଯାଉଥିଲା । ନୟାଗଡ଼ ଟ୍ରାଫିକ ଛକ ନିକଟରେ ଗାଡିର ଷ୍ଟେରିଂ କଟି ଯାଇଥିବାରୁ ଡ୍ରାଇଭର ଭାରସାମ୍ୟ ହରାଇ ବସିଥିଲେ । ଟ୍ରକଟି ଯାଇ ଏକ ଦୋକାନ ଘରେ ପଶି ଯାଇଥିଲା । ଏହି ସ୍ଥାନରେ କୌଣସି ଯାତ୍ରୀ କିମ୍ବା ସାଧାରଣ ଜନତା ଉପସ୍ଥିତ ନଥିଲେ । ଘଟଣା ସ୍ଥଳରେ ନୟାଗଡ଼ ଟାଉନ ଥାନା ପୋଲିସ ପହଞ୍ଚି ଘଟଣାର ଅନୁଧ୍ୟାନ କରିଛନ୍ତି । ଟାଉନ ଥାନା ପକ୍ଷରୁ ଡ୍ରାଇଭରକୁ ଅଟକ ରଖାଯାଇଛି ।
