ଓଡ଼ଗାଁ(ବାଘୁଆବାର୍ତ୍ତା): ଆଜି ଭୋର ସକାଳ ପ୍ରାୟ ୫ ଘଟିକା ସମୟରେ ଏକ ଅଚିହ୍ନା ବୋଲେରୋ ଧକ୍କାରେ ଦୁଇ ଭଉଣୀ ଆହତ ହୋଇଛନ୍ତି । ଆହତ ଦୁଇ ଭଉଣୀ ହେଲେ ରିଙ୍କି ପ୍ରଧାନ ଏବଂ ସୋନାଲି ରାଉତ । ସୂଚନା ଅନୁଯାୟୀ ସକାଳୁ ସକାଳୁ ନିଜ ଗ୍ରାମ ଦଣ୍ଡୋର ଆଡୁ କୁରାଳ ଅଭିମୁଖେ ମନ୍ରିଂ ୱାର୍କରେ ଆସୁଥିବା ବେଳେ ଓଡ଼ଗାଁ ଅଭିମୁଖେ ଯାଉଥିବା ଏକ ଧଳା ବୋଲେରୋ ତାଙ୍କୁ ପଛପଟୁ ଧକ୍କା ଦେଇ ଘଟଣାସ୍ଥଳରୁ ଛୁ ମାରିଅଛି । ଯାହା ଫଳରେ ଦୁଇ ଭଉଣୀଙ୍କୁ ଓଡ଼ଗାଁ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଥିବା ସୂଚନା ମିଳୁଅଛି । ବର୍ତ୍ତମାନ ସୁଦ୍ଧା ଉକ୍ତ ବୋଲେରୋ କାହା ନାମରେ ଅଛି ତାହାର କୌଣସି ପତ୍ତା ମିଳିନାହିଁ।
