ନୟାଗଡ଼/ଦଶପଲ୍ଲା, (ବାଘୁଆବାର୍ତ୍ତା): ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥ ଶାଳିଆଗୋଛା ନିକଟରେ ଏକ ଅଜଣା ଗାଡି ଧକ୍କାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତ ବାଇକ ଆରୋହୀ ଜଣଙ୍କ ହେଲେ ଟାଙ୍ଗିନାଡୁ ଗାଁର ସଞ୍ଜୟ ବିନ୍ଧାଣୀ । ସୂଚନାନୁସାରେ, ନୟାଗଡ଼ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ଟାଙ୍ଗିନାଡୁ ଗାଁର ସଞ୍ଜୟ କାମ ସାରି ସନ୍ଧ୍ୟା ସାଢେ ୫ଟା ସମୟରେ ଦଶପଲ୍ଲାରୁ ନିଜ ଗାଁ ଟାଙ୍ଗିନାଡୁକୁ ଫେରୁଥିବା ବେଳେ ଶାଳିଆଗୋଛା ନିକଟରେ ଏକ ଅଜଣା ଗାଡ଼ି ଧକ୍କା ଦେଇଥିଲା । ତେବେ ସ୍ଥାନୀୟ ଲୋକ ଦେଖି ଆମ୍ବୁଲାନ୍ସକୁ ଖବର ଦେଇଥିଲେ । ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ପଡିଥିବା ସଞ୍ଜୟ ବିନ୍ଧାଣୀଙ୍କି ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ତେବେ ଡାକ୍ତରଖାନାରେ ସଞ୍ଜୟଙ୍କ ମୃତ୍ୟୁ ହୋଇଥିବା ଜଣାପଡିଛି । ପୋଲିସ୍ ଶବ ଜବଜ କରି ବ୍ୟବଛେଦ କରିବା ପାଇଁ ରଖିଥିବା ସୂଚନା ମିଳିଛି ।
