ଓଡ଼ଗାଁ (ଅଶୋକ ମହାପାତ୍ର): ପ୍ରାୟ ଏକବର୍ଷ ପରେ ପୁଅକୁ ନିଜ ସାମ୍ନାରେ ଦେଖି ବିଶ୍ୱାସ କରିପାରିନଥିବା ବାପା ଖୁସିରେ ଆତ୍ମହରା ହୋଇଯାଇଥିଲେ । ସେଠରେ ଥିବା ଓଡଗାଁ ଥାନାର କର୍ମଚାରୀଙ୍କ ଅଜାଣତରେ ବି ଆଖିରୁ ଲୁହ ଆସିବା ଭଳିଏକ ସମ୍ବେଦନଶିଳ ଦୃଶ୍ୟ କିଛି ସମୟ ପାଇଁ ସମସ୍ତଙ୍କୁ ସ୍ତମ୍ବିଭୁତ କରି ରଖିଥିଲା । ଏ ମିଳନ ଆଇଆଇସି ଅନିଲ କୁମାର ପ୍ରଧାନଙ୍କ ଆନ୍ତରିକ ଉଦ୍ୟମ ଫଳରେ ସମ୍ଭବ ହୋଇପାରିଥିଲା ।
ଘଟଣାରୁ ପ୍ରକାଶ ମେ ୨୯ ତା
ରିଖ ସକାଳୁ ପିଲାଚୋରି ଅଭିଯୋଗରେ ଜଣେ ଯୁବକକୁ ରୋହିବାଙ୍କ ଠାରେ ସ୍ଥାନୀୟ ଲୋକେ ତାକୁ ମାରପିଟ କରୁଥିବା ବେଳେ ଖବର ପାଇ ଓଡଗାଁ ପୋଲିସ ସେଠାରୁ ଯୁବକଙ୍କୁ ଉଧାରକରି ଥାନାକୁ ଆଣିଥିଲେ । ତେଲୁଗ ଏବଂ ଇଂଗ୍ରାଜି ଭାଷା କହୁଥିବା ମାନସିକ ଅନଗ୍ରସର ଯୁବକଙ୍କ ଠାରୁ ଠିକଣା ସଂଗ୍ରହ କରି ଓଡଗାଁ ପୋଲିସ ତତ୍କ୍ଷଣାତ ବିଶାଖାପାଟନମ୍ ଜିଲ୍ଲାର ହୁକୁମପେଟା ଥାନାକୁ ଖବର ଦେଇଥିଲେ । ଗତ ୯ତାରିଖରେ ସେଠାକାର ପୋଲିସ ସନ୍ୟାସମ୍ପାଲମ ଗାଁକୁଯାଇ ଓଡଗାଁ ଥାନାରେ ଅଟକ ଯୁବକଟି ଇଶ୍ୱର ରାଓ ଆଲିଆସ୍ ବିଶ୍ୱେଶ୍ୱର ରାଓ ପଡାଲର ବାପା ମତ୍ସପଡାଲକୁ ଖବର ଦେଇଥିଲେ । ଗରିବ ବାପା କିଛି ଟଙ୍କା ଯୋଗାଡକରି ସମ୍ପର୍କିୟ ମାଁମୁ ଟି. ବାଲାରାଜୁଙ୍କୁ ସାଙ୍ଗରେ ଧରି ଆଜି ଓଡଗାଁ ଥାନାରେ ପହଁଚିଥିଲେ । ଓଡଗାଁ ଥାନାରେ ରହିଥିଲା ବେଳେ କର୍ମଚାରିଙ୍କ ସହିତ ତା’ର ସମ୍ପର୍କ ବଢିଯାଇଥିଲା । ସେମାନେ ତାର ଚୁଟି କାଟି ସଫାସୁତୁରା କରି ନୂଆ ଡ୍ରେସ ପିନ୍ଧାଇବା ସହ ଖାଇବା ପିଇବା ଦେଇ ଯତ୍ନ ସହକାରେ ରଖିଥିବାରୁ ପ୍ରଥମେ ସେ ବିଶ୍ୱେଶରକୁ ବାପା କି ମାମୁ ଁ ଚିହପ୍ନି ।ରିନଥିଲେ ।
ବାପା ମତ୍ସ୍ୟ ପଡାଲ ଠାରୁ ପ୍ରକାଶ ଆଜକୁ ଠିକ୍ ଏକବର୍ଷପୂର୍ବେ ମାନସିକ ଅନଗ୍ରସର ପୁଅକୁ ଡାକ୍ତରଖାନାକୁ ପରୀକ୍ଷା କରିବାକୁ ନେବା ବେଳେ ବିଶ୍ୱେଶର ସେଠାରୁ କେଉଁଆଡେ ଚାଲିଯାଇଥିଲା ା ସେବେଠାରୁ ପରିବାର ଲୋକେ ତାକୁ ଖୋଜି ପାଇନଥିବା ବେଳେ ଆଉ ପାଇବାର ଆଶା ମଧ୍ୟ ହରାଇ ବସିଥିଲେ । ଏଣେ ବିଶ୍ୱେଶର ସେଠାରୁ ଖସି ଚାଲିଚାଲି ଆସୁଥିବା ବେଳେ ପିଲା ଚୋରର ଭୟ ସୃଷ୍ଟି ହୋଇଥିବାରୁ ଜଣେ ଅଚିହ୍ନା ଯୁବକକୁ ଦେଖି ଗ୍ରାମବାସୀ ସନ୍ଦେହରେ ମାର୍ପିଟ୍ କରୁଥିବା ବେଳେ ତାକୁ ଓଡଗାଁ ପୋଲିସ ଘଟଣା ସ୍ଥଲରୁ ଉଧାର କରି ଥାନାକୁ ଆଣିଥିଲେ । ଏଭଳି ଅନେକଙ୍କୁ ପିଲାଚୋର ସନ୍ଦେହରେ ଧରା ହୋଇଛି । ଆଉ
ମାଡ ମଧ୍ୟ ହୋଇଛି । ପୋଲିସ ଥାନାକୁ ଆସିଛନ୍ତି । କିନ୍ତୁ କୌଣସି ଜଣେ ହେଲେ ଅଭିଯୁକ୍ତ ପିଲାଚୋର ବୋଲି ପ୍ରମାଣ ହୋଇନାହିଁ । ବେଳେ ବେଳେ ଦୁର୍ଘଟଣା ଆର୍ଶିବାଦ ହୋଇଯାଏ ଏବଂ ଅନେକ ଦିନ ପରେ ପରିବାର ତା’ର ହଜିଯାଇଥିବା ସନ୍ତାନକୁ ପାଇଥାଏ ।
