ହାଇୱା ମାଡରେ ୩ ମୃତ

ବିନିକା (ବାଘୁଆବାର୍ତ୍ତା) ହାଇୱା ଗାଡି ଧକ୍କାରେ ୩ ମୃତ । ଏମିତି ଏକ ଦୁଃଖଦ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅରିଗାଁରେ । ଆଜି ଅପରାହ୍ନ ୫ଟାରେ ଗୋଡ଼ଭଗା ପଟରୁ ଦ୍ରୁତ ଗତିରେ ଆସୁଥିବା ହାଇୱା ଗାଡି (OD15-D-0822) ଅରିଗାଁର ମୁଖ୍ୟରାସ୍ତା କଡରେ ଛିଡା ହୋଇଥିବା ଦୁଇଟି ବାଇକରେ ଚାରିଜଣଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇଜଣ ଗୁରୁତର ହୋଇଥିଲେ । ତେବେ ମେଡିକାଲରେ ଆଉ ଜଣକର ମୃତ୍ୟୁ ଘଟିଛି। ହାଇୱା ଗାଡିର ଡ୍ରାଇଭର ଖସି ଯାଉଥିବା ବେଳେ ଗ୍ରାମବାସୀ ତାଙ୍କୁ କାବୁ କରିଥିଲେ । ମୃତ ଓ ଗୁରୁତର ବ୍ୟକ୍ତିଙ୍କ ବର୍ତ୍ତମାନ ପର୍ୟ୍ୟନ୍ତ ପରିଚୟ ମିଳିପାରିନାହିଁ ।