ଅଟୋ ଉପରେ ଚଢିଗଲା ଟ୍ରକ୍, ଡ୍ରାଇଭର ମୃତ

ସମ୍ବଲପୁର, (ବାଘୁଆବାର୍ତ୍ତା): ପୁଣି ବୁର୍ଲା ମହାନଦୀ ବ୍ରିଜ ଉପରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ ଅଟୋ ଉପରେ ମାଡି ଗଲା ଟ୍ରକ୍ । ଫଳରେ ଦୁର୍ଘଟଣାରେ ଅଟୋଟି ଚୁରମାର ହୋଇଯାଇଥିବା ବେଳେ ଅଟୋ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ଦୁର୍ଘଟଣାଗ୍ରସ୍ତ ଅଟୋଟି କେଉଁ ଅଞ୍ଚଳର ଏବଂ ମୃତ ଡ୍ରାଇଭରଙ୍କ ପରିଚୟ ମିଳିପାରି ନାହିଁ । ଘଟଣା ସ୍ଥଳରେ ବୁର୍ଲା ପୁଲିସ ପହଞ୍ଚି ଘଟଣାର ତଦନ୍ତ କରୁଛି। ଅନ୍ୟପଟେ ଦୁର୍ଘଟଣା ଘଟେଇଥିବା ଟ୍ରକଟି ଘଟଣାସ୍ଥଳରୁ ଫେରାର ହେବାକୁ ଉଦ୍ୟମ କରୁଥିବା ବେଳେ କତାପାଲି ଛକ ନିକଟରେ ପୁଲିସ ଟ୍ରକକୁ ଧରିଥିବା ଜଣା ପଡ଼ିଛି । ତେବେ ଏହି ଦୁର୍ଘଟଣାଟି ମହାନଦୀ ପୋଲ ଉପରେ ଘଟିଥିବାରୁ ବରଗଡ଼- ସମ୍ବଲପୁର ଜାତୀୟ ରାଜପଥର ଉଭୟ ପଟରେ ହଜାର ହଜାର ଯାନ ବାହାନ ଅଟକି ରହିବା ସହିତ ଟ୍ରାଫିକ୍ ଜାମ ପରିସ୍ଥିତି ସୃଷ୍ଟି ହୋଇଛି ।